影片
更多
2023-10-06
597 浏览
听同事话天后临记既鸡蛋仔好好味，就心思思想黎试。不过见到OpenRice都有啲喊喊，所以同自己讲都系平常心。7:10pm嚟到，有四个人喺我前面等紧拎嘢食。我就同店员点咗一个原味格仔饼后就企喺隔离度等。好好彩我个底格仔饼系当日最后既一份。之后见到有两个人嚟买，店员都话格仔饼同鸡蛋仔都冇晒喇。等咗几分钟，我个格仔饼就拎得喇，比想像中快。一拎到上手，眼见好厚播。但系用少少力拎个格仔饼喺个纸袋仔出黎，个格仔饼系松软到一拎已经mi开咗. 再咬落去，第一次食格仔饼，食到呢个口感，系好松软，唔系厚实实/重身嘅格仔饼。佢个格仔纹同平时一般嘅唔同，平时𠮶啲格仔细啲密啲，而临记呢个系大啲，同埋佢个格仔系深啲，所以每个正方形嘅边都做到脆脆嘅效果（因为正方形边做到够簿身）。但系佢既正方形边脆得来又唔会话系好实𠮶只脆。呢个口感真系好特别，令我印象深刻。我谂能够做到呢个效果，日本面粉同埋佢呢个特别嘅模具都有好大功劳。至于味道方面，佢本身张poster已经讲明系少糖少油，所以对比起出面平时食到既真系light好多. 如果钟意重口味嘅朋友，可能要叫佢多酱多油喇。备注：格仔饼或者鸡蛋仔一定系即时食最好食。我就拎咗喺商
7:10pm嚟到，有四个人喺我前面等紧拎嘢食。我就同店员点咗一个原味格仔饼后就企喺隔离度等。好好彩我个底格仔饼系当日最后既一份。之后见到有两个人嚟买，店员都话格仔饼同鸡蛋仔都冇晒喇。
等咗几分钟，我个格仔饼就拎得喇，比想像中快。
一拎到上手，眼见好厚播。但系用少少力拎个格仔饼喺个纸袋仔出黎，个格仔饼系松软到一拎已经mi开咗.
再咬落去，第一次食格仔饼，食到呢个口感，系好松软，唔系厚实实/重身嘅格仔饼。
佢个格仔纹同平时一般嘅唔同，平时𠮶啲格仔细啲密啲，而临记呢个系大啲，同埋佢个格仔系深啲，所以每个正方形嘅边都做到脆脆嘅效果（因为正方形边做到够簿身）。但系佢既正方形边脆得来又唔会话系好实𠮶只脆。呢个口感真系好特别，令我印象深刻。
我谂能够做到呢个效果，日本面粉同埋佢呢个特别嘅模具都有好大功劳。
至于味道方面，佢本身张poster已经讲明系少糖少油，所以对比起出面平时食到既真系light好多. 如果钟意重口味嘅朋友，可能要叫佢多酱多油喇。
备注：格仔饼或者鸡蛋仔一定系即时食最好食。我就拎咗喺商场入边立食。食完出返嚟见到舖头已经闩咗门。所以想食嘅朋友记得唔可以太夜去喇。
张贴
