臨記

营业中

休息中

佢的確係好厚，但厚而無用！！！首先咁厚咬係要分開上下咁咬，會刮口，因為個外皮好硬 ⋯⋯然後佢啲粉漿應該用得仲少過正常格仔餅，因為個邊厚但中間啲格仔極深，咬完一啖都好似入口即溶咁冇食到啲咩⋯⋯好食嘅格仔餅正常應該個餅要煙靭，呢個嘅質感係未熟嘅粉漿feel然後花生醬同煉奶少到可憐，煉奶嘅味仲有啲奇怪，唔似平時個啲咁價錢都唔係平，唔明點解可以咁難食總結係，想食格仔餅嘅人唔好去呢間買，因為佢根本唔係格仔餅🙄人生中食過最難食嘅格仔餅！！！

全港最厚四色格仔餅外脆內軟超輕盈喺銅鑼灣食完晚飯，就可以去維園散散步。之後就去到位於天后帆船街的臨記食甜品使用日本麵粉少糖少油，即叫即做選擇了盲盒四重滋味，好期待超好玩今次有綠茶🍵、伯爵茶🫖、班蘭葉🥬及朱古力🍫味道好濃，真好食剪片的時候，都吞曬口水。😋強烈建議大家，可以立即食，唔好諗住帶走去食。咁就可以享受到最佳品質。味道濃鬱，口感鬆化。 正

被譽為全港最厚格仔餅🧇.格仔餅$28起，即叫即整大約要等10分鐘左右，攞上手真係嘩一聲，感覺上厚度係普通格仔餅1.5-2倍左右，冇可能一啖咬晒兩層😂外脆內軟，蛋味都幾香，花生醬煉奶都俾得夠多～不過可能太厚，感覺似食緊西式窩夫多啲🤣.另外仲其他特別口味，價錢貴啲不過真係好大份😝下次經過不妨試吓～

今日又經過天后，每次經過都會去林記買格仔餅食，呢間係我個人覺得，食過香港咁多間格仔餅之中最鬆軟又唔會太甜，而且外脆內軟！第一次幫襯嗰時，食落去第一啖真係有驚艷嘅感覺，不過最緊要係要即叫即食，佢仲有好多口味揀，一個格仔餅仲可以揀四個口味真係非常之啱我呢啲為食嘅人。今次我揀咗綠茶、朱古力、原味&茉莉花茶4隻味都唔錯！綠茶比想像中香濃，朱古力味個人最鍾意！老闆娘非常nice , 即叫即做，等咗大概5分鐘就有。建議大家經過天后一定要試吓。

小店以超厚身嘅格仔餅聞名，即叫即整，可以自選4款口味，分別有原味，朱古力，抹茶，伯爵茶同咖啡等...原味格仔餅激厚格仔餅一口不能掌握，小店採用日本麵粉，主打少糖少油，格仔餅外層鬆脆，內裡有少許蛋糕感，餅餡有花生醬，煉奶同蜜糖，配埋自家製花生碎，香甜濃郁，比較特別嘅係冇加牛油同砂糖 ，有空氣感，食落唔會太飽太膩

聲稱少油少糖同埋用日本麵粉製造，好似無咁邪惡🤭店員阿姨態度好好，好友善唔使10分鐘就有得食格仔餅超厚，入面鬆軟，輕微蛋糕感，空氣感明顯 所以唔會太飽滯外層就唔夠脆😣真係比平時食嘅格仔餅無咁甜花生醬正常嘅稠度，係柔滑唔係粗粒嘅煉奶稀到似水咁 而且無砂糖同埋牛油，可能唔符合大眾嘅口味，但係就啱我呢啲怕太甜嘅人😬—𝗐𝗈𝗎𝗅𝖽 𝗋𝖾𝗏𝗂𝗌𝗂𝗍: maybe💳 𝗉𝗋𝗂𝖼𝖾 $28-40 𝗉𝗉 🌟 𝗈𝗏𝖾𝗋𝖺𝗅𝗅 6.5/10📍 臨記天后帆船街2-8號金殿大廈地下16號舖

本豬叫嘅係原味格仔餅多糖多奶走花生醬嚟嘅時候冇花生碎都算當係因為我走花生醬可能覺得花生敏感但糖呢？奶呢？多奶？拆開影張相俾大家睇下評下理！！………………………………………厚又點特色又點做生意唔係咁做㗎下話平時出面就算default 啲奶都流到落袋底………………………………………………………………………………冷靜啲評一評個餅啲糕係做得ok鬆軟嘅厚嚟講算係控制得還可以嘅………………………………………..

難得見到厚身又抵食嘅格仔餅 當然要試下 🥰 去到嘅時候有幾位客人等緊 之後keep住都有人幫襯 見好多客一買就買2底唔同味道嘅雞蛋仔 睇落都好好食😋 不過一心想尼試極厚嘅格仔餅 所以就留番下次先試其他啦原味格仔餅 💰28餅身好厚 全部都係即叫即製 好鬆軟 好香蛋味 呢度嘅格仔餅剩係落花生醬同煉奶 味道濃厚 不過如果落埋砂糖會更加有口感😋 性價比好高 食完一份已經好飽肚 最欣賞嘅係佢唔會有香精同麵粉味 🌟評分：味道：4.5/5價錢：4/5環境：/服務：5/5回頭指數：5/5

天后全港最厚身格仔餅臨記 呢次嚟到幾多人keep住排隊 試試⭐️原味格仔餅$25 可以望店員即叫即整 大概15分鐘就有.🔥一拎上手熱辣辣 比平時大份好多‼️感覺佢哋格仔餅機係特製 紋路特別深😋所以 格仔紋入口會有種鬆化感覺😋而最入面會有少少蛋糕口感 真係做到外脆內軟🤔醬料冇加入牛油同砂糖 感覺唔夠正宗 同肥仔但呢個質素 可以講係好高分嘅格仔餅.#hkfunfoodrecord窮遊香港#hkfunfoodrecord_天后.#臨記 (天后)地址：天后帆船街2-8號金殿大廈地下16號舖.⭐️評分：味道：4/5環境：-/5服務：-/5抵食：4/5..#飲食 #美食 #優惠 #抵食 #hk #food #hkfood #hkfoodie #hkfoodblogger #hkblogger #hkfoodies #香港美食 #佐敦必食 #中環美食 #佐敦美食 #尖沙咀必食 #西灣河美食 #天后 #雞蛋仔 #格仔餅 #北角美食 #北角必食 #天后美食 #天后必食 #掃街 #魚蛋 #燒賣

話你知👀！喺「臨記」食到的Shark Shark雞翼，真係咁得意！雞翼外皮香脆，啖啖肉超juicy，啲調味粉都正，我揀嗰款蒜蓉味，香到彈晒出嚟。另外，試咗攤位推介嘅炸三寶🍢，滿滿一大籃，色香味俱佳，魚蛋啲外皮炸得啱啱好，咬落去彈牙又唔油膩。🍳雞蛋仔都好惹味，啲雞蛋仔又鬆化又軟滑，滿口嘅牛油香真係太滿足！搞到我啲嘴角都不自覺地上揚咗。食完呢輪「街頭美食」，真係覺得味道同便利性一流，心情都跟住好晒！下次有機會仲想試吓佢哋嘅格仔餅呀，望住啲人隊長龍嚟買，都知勁啦！「臨記」嘅食物簡單直接，啱哂想食得開心又唔痴線嘅閒時。呢啲街邊小食，真係香港嘅寶貝，你下次經過「天后」，記住要check check呢個地方啊！👍

下次有機會去天后時 也可以試試四重奏 ＄38超級厚！！！他們這份和其他的格仔餅 不太一樣 裡面只有單薄的煉奶而他們的重點是本身的格仔餅（這份還有機會可以選四個不同口味😋-芝麻他們是微微的芝麻香 還有機會咬到真實的芝麻-咖啡☕️快烤好的時候 已經聞到咖啡亠香 吃時還溫柔香濃-朱古力🍫噢～這朱古力， 不算香或甜蜜 而是偏黑朱古力的味道-奶茶🧋這茶味好出眾 奶味不重（奶精？除了口味以外 最重要！！的是他們的格仔餅的口感外微脆脆裡面小軟 即便整體都是澱粉 但都不會覺得厚重粉重但一定要記得一取到時要取出來 要不就會軟掉的囉

聽同事話天后臨記既雞蛋仔好好味，就心思思想黎試。不過見到OpenRice都有啲喊喊，所以同自己講都係平常心。7:10pm嚟到，有四個人喺我前面等緊拎嘢食。我就同店員點咗一個原味格仔餅後就企喺隔離度等。好好彩我個底格仔餅係當日最後既一份。之後見到有兩個人嚟買，店員都話格仔餅同雞蛋仔都冇晒喇。等咗幾分鐘，我個格仔餅就拎得喇，比想像中快。一拎到上手，眼見好厚播。但係用少少力拎個格仔餅喺個紙袋仔出黎，個格仔餅係鬆軟到一拎已經mi開咗. 再咬落去，第一次食格仔餅，食到呢個口感，係好鬆軟，唔係厚實實/重身嘅格仔餅。佢個格仔紋同平時一般嘅唔同，平時嗰啲格仔細啲密啲，而臨記呢個係大啲，同埋佢個格仔係深啲，所以每個正方形嘅邊都做到脆脆嘅效果（因為正方形邊做到夠簿身）。但係佢既正方形邊脆得來又唔會話係好實嗰隻脆。呢個口感真係好特別，令我印象深刻。我諗能夠做到呢個效果，日本麵粉同埋佢呢個特別嘅模具都有好大功勞。至於味道方面，佢本身張poster已經講明係少糖少油，所以對比起出面平時食到既真係light好多. 如果鍾意重口味嘅朋友，可能要叫佢多醬多油喇。備註：格仔餅或者雞蛋仔一定係即時食最好食。我就拎咗喺商

⚠️全港最厚格餅🧇 雞蛋仔關注組大推竟然都有伏？🥹 但推薦咖啡控必試！拉➡️睇menu🐭 米奇老豬Vol. 383 🐷［臨記］老豬喺關注組留意到有唔少人推薦臨記仲見到可以四併口味嘅 🧇就搵左個週末去trytry雖然人山人海 但都只係等左20分鐘 ⏰因為老豬話喺店外木板台立食所以店員就用碟上 無咁易漏汁～不過就變左好似西式窩夫咁分開4舊食無左港式格餅好🈵️足果個口感🥹.🐖🐖 《格仔餅四重奏》🐖🐖 💰$38💰格餅真心超厚 係平時食開嘅1.8倍程度❣️（仲厚過新蒲崗629）係無可能一啖咬曬 😂外層好脆 但未至於會界損口腔黏膜 入面濕潤鬆軟 輕微蛋糕感空氣感明顯 所以唔會太飽滯 😋🍫朱古力係好淡嘅可可粉味🍵抹茶係有dd假嘅綠茶味🫖伯爵茶味唔濃 顏色有d似泰茶☕️咖啡好濃 好出 呢個推薦🌟煉奶同花生醬稀到好似水咁 🫗所以係無味嘅 而且無砂糖、牛油所以成件事好唔滿足 🥲結論係 推薦咖啡味格餅（走醬）或者雞蛋仔 🤭.題外話 🗣️老豬最愛嘅依然係潮食嘅豬柳蛋雞蛋仔同抹茶朱古力夾心雞蛋仔🥚同埋觀塘/尖沙嘴醉香雞蛋仔嘅開心果醬格仔餅🧇.❣️🐭總評分🐷❣️味道：7.8/10 服務：N/A環境：N/ACP值：✴️ 中低 ✴️EN

去開天后一定要食一食呢份超厚底既格仔夾餅，檔面雖其貌不揚，但佢底格底餅應該算係我食過既格仔餅中，最好食既一間。店家係收order即做，所以等既時間係有d耐，但想要食好野，只好比d耐性等吧😆原味格仔餅🧇 ：😋😋😋😋😋個餅底堅正，很有口感。超厚既餅底，一d都唔油，餅面做得香脆，餅心非常鬆軟，唔係實的的o個種. 而中間醬汁係比較流質既滑花生醬+練奶。 格仔餅落既醬汁唔多，不過如放太多醬，食時會好論盡，而且會過甜吧，所以呢個醬汁份量都ok. 一口咬落，蛋奶香混合著花生醬練奶衝擊味蕾，螞蟻星人表示：非常滿足。朱古力味格仔餅🧇:😋😋😋😋食完原味唔夠喉，就叫埋朱古力味格仔餅試，呢個味本身配朱古力醬，但我改左配花生醬練奶，個朱古力餅都一樣 餅面香脆，內裡鬆軟，咬落多滲出一陣朱古力香味，其實朱古力餅底配返朱古力醬應該會夾d，我改左配花生醬，攪到餅底朱古力味同汁既花生醬味撞左，兩隻濃味撞埋唔太夾。下次要配返朱古力醬食。兩款格仔餅，我係比較推介原味，因為蛋奶香既味道出d，而朱古力味道比較濃，所以蛋奶味會被蓋過。

說好了要格仔餅，店員自行點了更貴的朱古力格仔餅，跟她澄清後更說只聽到雞蛋仔，其他什麼聽不到不知道，這個雞蛋仔味道正常，但店員態度這種無賴表現使人感覺太差了，很多時間顧客都係因為服務好先會再光顧的，說不定下次我會叫更貴的雞蛋仔呢 身為朱古力愛好者的我覺得雞蛋仔質感還可以，但朱古力不夠濃，皮不夠脆，裡面可以再彈牙一點，如果不介意服務質量想滿足一下吃雞蛋仔的癮可以來這裡，但想吃出色的雞蛋仔還有更多好吃又服務好的選擇