麵包司

营业中

休息中

呢间面包铺嘅面包用日本面粉整🥖🥯，真系特别松软，而且价钱唔贵！开心果系列真系好吸引。扭纹包：开心果味香浓，条条扭纹清晰，质地松软。流心菠萝包，入面嘅开心果酱流心，浓郁香甜。牛角包🥐开心果味香浓，外皮酥脆。另外，海盐焦糖牛角包：焦糖香甜配埋微微海盐味，层次丰富，外皮酥脆。蒜蓉多士：蒜蓉香味够，牛油味香浓，多士烘得香脆。抹茶红豆🍵 🫘包仲有可爱熊仔脸，抹茶味香浓唔苦，红豆馅够晒豆香，软硬适中。面包体够松软，抹茶味入晒去个包度。芝士箭猪包：造型得意，芝士味香浓，包身松软。紫薯抹茶包：紫薯同抹茶味配搭特别，两种味道都唔会抢味，包身柔软。最欣赏佢哋每款包都做得用心，用料好足，包身质地特别好！