麵包司

营业中

休息中

我係麵包控應該係人都知，麵包舖時常都見到我嘅蹤影，而且每次都會買好多🤣，今日路過荃新天地二期一門町市場內的「麵包司 」好喜歡佢嘅外觀，開放式設計一眼睇晒有啲咩麵包，之後就見到大大隻字寫住「日本麵粉使用」，我就係最崇日，即刻衝入去睇吓有咩買先 🍞比我再見到做麵包工場仲喺埋店舖裏面，師傅埋頭苦幹製作麵包，我個人認為這些小店嘅麵包一定好食，這裏雖然地方細細，麵包款式都幾多種類，而且賣相好吸引😋我最鍾意嘅牛角包，鹹鹹甜甜口味有好多款，我係偏好鹹的口味 ，所以三款全部比我買晒，分別係「黑椒培根可頌」、「芝士火腿可頌」和「蒜香牛角包」口感好酥脆充滿牛油香，超鍾意食，跟住見到有一款「芝士箭豬包」，睇見佢對眼咁乞人憎🤣，就想食咗佢落肚，口感軟熟又鹹香，店員仲推介咗一款人氣大熱「開心果脆脆包」仍然食到粒粒開心果碎口感超豐富，另外仲買咗一啲我日常食開嘅法包、蒜蓉多士等等，喜歡食麵包嘅你絕對唔可以錯過，包你喺度買到好多款心頭好😋😋

🥐 Croissant 可頌：3個可頌 各有特色, 係甜品同麵包嘅混合體, 一啖咬下, 外層酥脆, 質地蓬鬆, 內裏柔軟, 而牛油味剛剛好！1️⃣海鹽焦糖可頌, 焦糖味濃, 海鹽不太突出2️⃣開心果可頌, 有開心果味, 正！3️⃣焦糖布丁可頌, 也好味!🍞 麵包：4️⃣抹茶紅豆包抹茶味濃💚, 紅豆蓉味道突出同埋美味, 兩者互相配襯, 顯出各自優點, very yummy！5️⃣黑糖麻薯包好啱鍾意飲黑糖珍珠奶茶🧋嘅人, 因為無論味道同埋口感都好似😆6️⃣芝士箭豬包造型可愛, 芝士餡料十分之多. 7️⃣開心果紐紋包面頭個開心果粒 十分香濃, 真係想問問有冇焗開心果仁賣😆🍰 Cut Cake 蛋糕：8️⃣藍莓芝士餅9️⃣鹹味焦糖芝士餅2款芝士餅 口感軟熟, 而我比較喜歡 鹹味焦糖芝士餅, 上層係芝士, 跟住係一層焦糖, 底層餅底. 入口焦糖味濃, 慢慢透出淡淡的鹹味.食材係採用日本麵粉店舖 明亮 乾淨 企理職員 友善 有耐性地點係荃新天地 第二期 地下近荃灣西 港鐵站（exit D）楊屋道市政大廈對面（即係以前楊屋道街市）

荃灣新開麵包店，所有包都係用日本麵粉，款式超多，而且價錢好抵，好幾款都係$10，複雜啲嘅款就$12-$15左右，大包就$18-$20，方包$10 6片，好抵食!我最鍾意箭豬芝士包，芝士餡足，面頭撒咗芝士粉，有個小朋友話箭豬包好搞笑好得意。牛角包都有好多款，有大熱嘅開心果味，唧滿開心果醬! 我就試咗士多啤梨忌廉牛角包同火腿芝士牛角包。牛角包好鬆脆，牛油味香，攞出袋已經陣陣香味，但係唔油膩，忌廉唔會好甜，好正!另外大推開心果菠蘿包，裏面有好多開心果醬，菠蘿皮都好食，勁滿足。想要share嘅話就有開心果扭紋包，呢款醬少啲，但係好多開心果仁，都值得一試。人流都幾多，turnover算快，所以啲包keep住好新鮮，我夾走最後一個士多啤梨牛角包之後好快就有新一爐準備出。Overall款式創新，乾淨企理，性價比好高。

跟朋友嚟荃灣玩，見到Citywalk二期間麵包司主打係用日本麵粉整麵包，朋友食過都推介。款式真幾多、麵包仲大大個添。啲麵包真係大過我手掌，但係價錢就好實惠，我分咗幾個系列：🍞開心果系列：1️⃣開心果菠蘿包菠蘿包焗得表面酥脆，仲有焗過嘅開心果粒，入面仲有新鮮既開心果醬，一啲都唔甜。2️⃣開心果扭紋包開心果粒既份量一啲都唔小，麵包鬆軟而厚實，要分開兩餐食先得。3️⃣鮮奶球$20有6個，好重嘅奶香味。🍞麻糬系列：4️⃣麻糬酥皮蛋撻蛋撻就食得多，加咗麻糬粒嘅口感真係好特別。酥皮皮脆口，牛油味香濃，麻糬口感Q彈軟糯，推介👍🏼5️⃣麻糬菠蘿包啱啱出爐，真係特別鬆脆飽滿。仲好驚喜入面好多麻糬粒。🍞大size系列6️⃣蝶豆花水果包用蝶豆花嚟上色，仲有乾果，乾果份量比想像中多，麵包咬落好鬆軟。7️⃣紫薯包唔止食麵包，真係有舊紫薯向包入面。🥐牛角包系列：8️⃣海鹽焦糖可頌海鹽灑咗向表面兩隻角，中間就鋪咗焦糖，鹹甜交融都幾特別；啱啱出爐，真係特別酥脆。

我女平時最愛食蛋糕同麵包，每日早餐都一定要食麵包，今日經開荃灣，見到一間間式嘅麵包店～Panyasan麵包司，所有麵包唔單止賣相吸引、價格仲好大眾化，即刻掃貨先☺️🌟開心果/士多啤梨/芝士火腿/海鹽焦糖可頌可頌焗得外酥內軟，牛油味香濃，有多款口味選擇：清香的開心果、酸酸甜甜的士多啤梨、香濃的芝士火腿、甜與鹹平衡的海鹽焦糖，每一款都各有特色，令人回味無窮🌟開心果波羅包波羅包外層爽脆，內裡鬆軟，配上裏面開心果甜甜的開心果餡料及面層的開心果碎，每一口都充滿驚喜🌟紫薯包紫薯包的內餡口感綿密，紫薯的天然甜味與麵包的鬆軟完美結合，健康與美味的配搭🌟黑糖麻糬包黑糖麻糬包每一口都有濃郁的黑糖味，搭配麻糬的嚼勁，讓人感到滿足。🌟開心果麵包香脆的開心果與柔軟的麵包形成對比，口感豐富。每一口都能品嚐到開心果的香氣，讓人心情愉快

呢間麵包店真係開心果控嘅福音，款款都用料十足，冇得輸！開心果扭紋麵包睇落已經好吸引，表面鋪滿開心果碎，入口層次分明，香甜中帶啲堅果嘅脆口。一啖落去，真係滿足到爆！至於開心果脆脆更加係外脆內香，開心果嘅鮮香味勁突出，完全唔覺得膩。 開心果牛角包同開心果流心菠蘿包就係兩種極端嘅享受。牛角包酥香鬆化，開心果餡入面帶少少鹹香，勁有風味；而流心菠蘿包就完全係甜牙仔嘅天堂，外層夠脆，內餡流心又香濃，仲有微微嘅開心果香，個人覺得絕對係必試之選！ 另外，鹹味系列都好掂，芝士火腿牛角包同黑椒培根可頌鹹香惹味，啱晒鍾意濃味嘅人。蒜香牛角包就係意想不到嘅驚喜，蒜香同牛角包嘅奶香融合得啱啱好，食到停唔到手。 最後，原味牛角包簡單但唔失水準，酥脆鬆化，奶香濃郁，基本功好扎實。總體嚟講，呢幾款麵包款款出色，真係值得一試！

最近，屋企附近荃新天地二期地下開了一間麵包舖，見到多款牛角包價錢由$14至$18左右，賣相很靚，於是趁下午茶時間買幾個試試，果真高質，牛角包餡料豐富，好脆口、鬆軟，亦幾大個，之前西鐵站那家細一半都賣得貴過佢，性價比好高，以後下午茶時段一定會再嚟幫襯😋😋買了以下幾款，都好好味！🥖開心果可頌$18🥖芝士火腿可頌$15🥖士多啤梨忌廉可頌$15🥖蒜香牛角包$14🥖開心果流心菠蘿包$15🥖黑糖麻糬包$10

呢間麵包鋪嘅麵包用日本麵粉整🥖🥯，真係特別鬆軟，而且價錢唔貴！開心果系列真係好吸引。扭紋包：開心果味香濃，條條扭紋清晰，質地鬆軟。流心菠蘿包，入面嘅開心果醬流心，濃郁香甜。牛角包🥐開心果味香濃，外皮酥脆。另外，海鹽焦糖牛角包：焦糖香甜配埋微微海鹽味，層次豐富，外皮酥脆。蒜蓉多士：蒜蓉香味夠，牛油味香濃，多士烘得香脆。抹茶紅豆🍵 🫘包仲有可愛熊仔臉，抹茶味香濃唔苦，紅豆餡夠晒豆香，軟硬適中。麵包體夠鬆軟，抹茶味入晒去個包度。芝士箭豬包：造型得意，芝士味香濃，包身鬆軟。紫薯抹茶包：紫薯同抹茶味配搭特別，兩種味道都唔會搶味，包身柔軟。最欣賞佢哋每款包都做得用心，用料好足，包身質地特別好！

荃灣荃新天地2地下一門町市場開左好多新餐廳，越來越熱鬧，今日有朋友一起聚會，就來到新開麵包舖「麵包司」🥯揀選幾個麵包，麵包鋪木系風格，整潔明亮，價錢唔貴，10幾蚊已經有高質素麵包，全部用日本麵粉製成🤪✨開心果可頌🥐 $18✨海鹽焦糖可頌🥐 $16✨煙肉芝士可頌🥐 $15✨士多啤梨忌廉可頌🥐 $15✨麻薯菠蘿包🍍 $10✨紫薯綠茶核桃包🍠 $18✨麻薯蛋撻 $10✨酥皮蛋撻 $7麻薯蛋撻超級推薦，麻薯好軟糯，配上脆脆既蛋撻，口感豐富，推薦🤤可頌都好食，重牛油香，開心果可頌表面有開心果粒同cream😎士多啤梨忌廉可頌入面有牛油，好香，煙肉芝士可頌充滿咸香🤤紫薯綠茶核桃包大大個，紫薯加綠茶好match，中間加左核桃口感更加豐富🥰

🌸抹茶紅豆麵包好鬆軟，食落口有好濃郁嘅抹茶香味，入面仲有大量綿密嘅紅豆餡料，不甜不膩🌸紫薯包，超大個紫薯包，包好軟熟，超足料，內餡有好香有濃郁嘅紫薯嘅甜味！營養好豐富而又高纖維，食完真係好飽肚🌸開心果流心菠蘿包大大個又脹卜卜，菠蘿皮好香脆，仲有開心果粒！外脆內軟，咬一口已經食到好濃郁嘅開心果內餡，整個菠蘿包都充滿開心果味道🌸芝士箭豬包造型超可愛，外脆內軟，而內餡仲充滿濃郁嘅軟芝士，有好濃郁嘅芝士香味，啱晒我呢個芝士控🌸開心果麵包，開心果味超濃郁，好豐富嘅開心果碎同埋餡料，好滋味🌸麻糬菠蘿包，第一次食麻糬菠蘿包，幾特別！外皮香脆，食入口仲有啲煙韌🌸芝士火腿可頌，牛角包外層酥脆，上面有芝士同埋火腿，味道好夾鹹鹹香香！🌸士多啤梨忌廉可頌，士多啤梨忌廉都好足料，配埋充滿牛油香味嘅牛角包！甜度啱啱好，甜而不膩！🌸提子丹麥條，丹麥條有好多提子，甜甜香香，好味🌸蒜香多士，多士好香脆可口，多士上面有大量蒜香，都幾惹味🌸原味年輪蛋糕+楓糖味年輪蛋糕+香蕉味年輪蛋糕！獨立包裝，而且仲係日本製造，年輪蛋糕口感紮實綿密！我最鍾意食嘅就係香蕉味年輪蛋糕，帶帶有淡淡嘅香蕉香味，味道好濃郁餐廳店員服務態度友善，抵讚

呢日朋友帶我去一間麵包店日式風格，很多款式，而且標明用日本麵粉每款麵包的賣相都唔錯，望落都幾好吃感覺全部麵包都好軟綿綿裡面有幾款開心果系列嘅包，睇見款款都想食我買左幾款返屋企俾屋企人當下午茶重點價錢唔貴開心果可頌，焦糖可頌鮮牛油軟包，開頭果扭紋包，紫薯抹茶核桃包開心果流心菠蘿包，丹麥條尤其是鮮牛油軟包表層吃起來鹹甜微濕潤，麵包幾大個,真係好抵食。開心果可頌又係不錯，開心果迷一定好鐘意下次再試下其他款先得。

本來都諗住係荃灣搭車返屋企，路過聽到有小朋友扭計話一定要食黑椒牛角包，聽落咁特別就行過去睇下啦😆呢間新開嘅麵包店係荃新天地第二期地下foodcourt，木系裝修明亮乾淨，標榜用日本麵粉整嘅麵包。個小朋友講嘅黑椒牛角包原來係黑椒煙肉可頌，不過已經賣晒lu。既然一場嚟到，就買幾個包先🥐 Croissant 可頌： 海鹽焦糖可頌：外層酥脆，內裏柔軟，焦糖味比較濃郁。每一啖都充滿牛油香氣！開心果可頌：開心果味道濃郁，牛油香氣十足，外層酥脆，內裏鬆軟，層次分明，真係好正！開心果嘅香味同牛油味結合感覺唔錯。 🍞 麵包： 抹茶紅豆包：經典組合，抹茶嘅清香同紅豆嘅甜美互相輝映。👍🏻黑糖麻薯包：好啱鍾意飲黑糖珍珠奶茶嘅人，味道同口感都好似，麻薯煙韌又唔會太甜。有黑糖嘅香甜味同麻薯嘅Q彈口感。 芝士箭豬包：造型可愛，有對眼仔係包上面。芝士餡料豐富，入口充滿濃郁嘅芝士香味，點解小朋友唔係鐘意呢個😙開心果麵包：唔單止有開心果碎係上面，仲有好多開心果餡係入面，開心果控一定要買可惜太遲去到，蛋糕都已經差唔多賣晒食唔到。下次早啲去買!

荃新天地地下一門町開咗一間新麵包店，全部用日本麵粉製成。見佢有啲開心果口味嘅麵包吸引到我就買咗幾個試吓啦。開心果扭紋包 開心果菠蘿包 開心果牛角包呢幾個麵包都食得出有開心果味，最好嘅係佢唔會太甜。牛角包夠趣、菠蘿包夠鬆軟、扭紋包就夠紮實。另外佢哋有抹茶紅豆包、芝士箭豬包一樣咁好味。仲有我鍾意佢哋嘅方包，食得出佢唔會好多添加劑，入口真係會食到麥香麵粉味，味道清新，食出原味。啱晒我俾小朋友做早餐同下午茶。

最近係荃新天地附近搞活動，之後就想為參加嘅媽媽同小朋友們準備少少食物。發現有間新開嘅日式麵包店「麵包司」，位置就係荃新天地二期地下「一門町市場」內。呢間小店雖然面積不大，但店內即製麵包，標榜使用日本麵粉同埋琳瑯滿目嘅包好快吸引我目光！麵包全採用日本麵粉製作，口感和味道都非常出色，價錢都好實惠，10幾蚊都有個咁高質素嘅麵包，值得推薦。簡約日本風格，整潔明亮。望住飽滿美觀嘅麵包，我都忍唔住揀幾個比自己。第2日我都再去買左方包，好鬆軟又香。佢哩度有好幾款牛角包口味可以選擇 海鹽焦糖牛角包外層酥脆，內裡鬆軟，牛油香氣濃郁，搭配焦糖鹹甜交融的味道，入口層次感十足。焦糖香氣非常突出，鹹甜比例恰到好處，必試之一。煙肉芝士牛角包呢款相對係鹹點嘅口味，輕輕加熱後煙肉同芝士味道更香，牛角包嘅酥香味，味道層次非常豐富。開心果扭紋包店鋪內麵包個個都好外型飽滿，呢款開心果包味道都非常出色。麵包撒滿左香濃的開心果碎，咬落去啖啖濃郁的堅果香氣，口感層次豐富。麻薯菠蘿包這款菠蘿包很有創意，將港式經典的菠蘿包同麻薯融合一齊。外層的菠蘿皮酥脆香甜，內裡的麻薯軟糯彈牙，帶來雙重口感嘅享受。丹麥扭紋包亦都係好多人話畀我聽好好

Ooo新登場日式麵包小店ooO包類款式新穎 有創意值得留意 全店使用日本麵粉 OooooOCroissant 牛角包--- 酥脆又軟綿開心果Croissant, 有開心果醬及粒粒有咬口又特別 海鹽焦糖Croissant , 焦糖的香氣比較濃 焦糖布丁Croissant, 選擇困難既我, 最後要下次先食呢個OooooO紫薯綠茶核桃包 非常鬆軟, 在家烘一下外脆更好, 加入核桃更添美味, 不甜有淡淡既紫薯及綠茶香!OooooO開心果扭紋包大大大個好抵，開心果醬及開心果粒扭在包中，每口都食到開心果味!OooooO酥皮蛋撻有原味及麻薯酥皮蛋撻麻薯酥皮蛋撻中間既麻薯有拉絲效果幾得意