牛大人台灣火鍋吃到飽 (荷李活商業中心)

营业中

休息中

冬天又到食火锅既时候，最近就同fd去左【牛大人台湾火锅吃到饱】。最近心情唔好同临近节日我地就决定食豪D，叫左最贵既120分钟日本A4黑毛和牛火锅放题，呢个套餐仲送每人澳洲M9和牛牛丸2粒同海鲜拼盘。冬天限定仲有胡椒猪肚鸡汤底同三椒酸菜鲜鱼汤底，不过我地好麻辣、都系叫左麻辣汤底同招牌药膳牛骨汤。日本A4黑毛和牛雪花好靓、肉质嫩滑、牛味香浓。伊利比亚黑毛猪梅肉都可以任食、同平时D猪肉唔同、肉质比较软霖。几款特色鲍鱼都系可以任食、有炸既汁烧鲍、柚子鲍同冻既醉鲍同原味鲍。全部都好软霖鲜甜。个人另外最推荐送既澳洲M9和牛牛丸、手打牛肉浆同麻吉烧。M9和牛牛丸牛肉味浓、好弹牙。手打牛肉浆非常香甜、麻吉烧如果钟意食咸咸甜甜必食。另外仲有特色手摇、包括珍珠奶茶、手打柠檬茶同期间限定既乳清蛋白荔枝玉露。冬天仲有kitkat雪条食。因为怕热气、朋友仲叫左鬼佬凉茶啤一啤。冷泡茶等等选择都好多。