錦丼 (iSQUARE國際廣場) (已結業)

去iSQUARE睇戏，隔离有间日本餐厅，门口同入面装修好似去左日本居酒屋，地方环境好靓好舒服。餐牌上有二人餐可以选择，见份量太多食唔哂，所以一人叫左一个午餐。鱼蓉沙律便当刺生厚切有甜虾、油甘鱼、三文鱼各二件，鱼腩蓉饭只有一层薄薄鱼腩蓉，感觉有少少失望，还有一份蔬菜、一份中华沙律，刺身午餐包味噌汤。锦•寿司定食三文鱼、油甘鱼、左口、甜虾、鱼蓉各一件、太卷两件。刺身薄切，寿司饭醋味不够，味噌汤比较淡，定食份量比较少不够饱，其实个餐可以加二十蚊有一碗乌冬，如果我叫埋乌冬食就啱啱好。