kikusan (已結業)

今日去咗某大饮食集团旗下嘅Kikusan 食午。餐厅座位之间都算宽敞，环境舒~见到有鳗鱼饭，而对呢间餐厅有expectation, 所以order 咗嚟试。另外，叫咗个千层猪扒担担拉面同一笼豚肉小笼包。第一样送上嚟嘅食物系千层猪扒担担拉面。吉列猪扒切好，望落去见一层层嘅猪肉形成猪扒般厚，咬落去好juicy, 肉层之间嗦咗担担拉面嘅汤底（唔辣)。我地坐系open kitchen 附近嘅一张枱，谂住可以见到烤鳗鱼，未见有人烧鳗鱼。但热辣辣嘅鳗鱼饭不久便出现，只得鳗鱼，无其他配菜或蛋丝。以我推测，同某foodcourt 一样，丁热的⋯⋯鱼肉约5mm厚，肉质有D林，口感一般，试完觉得麻麻地，有D失望。豚肉小笼包4粒，皮薄，望落去见内里好多汁！试完先发现肉汁无鲜甜味。