屋子 (已結業)

今日同屋企人嚟将军澳行下，经过见到呢间日系纯白装修嘅cafe就入去叹个下午茶。要留意番下午茶嘅时间净系规定可以嗌甜品同野饮，冇得嗌热食。餐牌甜品选择种类都几多，有蛋卷，戚风蛋糕，疏乎厘，芭菲，真系好难选择🤣 草莓焙茶戚风👍🏻蛋糕造型令我谂起富士山🤣十分之讨好。戚风蛋糕口感松软，食落有淡淡嘅焙茶味。可惜系草莓有点酸，令到整体感觉唔太夹。桂花乌龙奶盖茶👍🏻本身都比较钟意饮奶盖茶，饮落有淡淡桂花香味，味道清新，配埋柔滑嘅奶盖，成件事好夹。😛草莓雪山吉士小松饼👍🏻个人比较喜欢食迷你松饼，感觉冇一大块咁腻同饱肚。淋上嘅草莓吉士酱酸酸甜甜，都不错。焙茶麻糬舒芙蕾舒芙蕾配上焙茶雪糕，每一啖都系浓浓嘅焙茶味。不过舒芙蕾口感偏湿润，没有想像中咁有空气感，而且入面嘅麻糬都焗到偏软身，相对冇咁出色。