茶寮 京都仁王門

营业中

休息中

经过上水中心揾餐厅医肚，正值下午茶时段见到呢间日系Cafe都有唔少人食，于是就试吓啦。餐厅门面光猛，干净企理估唔到餐牌都有好多选择，因为我哋都好肚饿，一人叫咗一份定食先，又好想食甜品，咁啱撞正下午茶时段可以拣份量较轻盈嘅迷你疏乎厘，满足到我哋想食甜品嘅心上菜速度都好快，首先就嚟咗个鳗鱼定食，套餐包咗汤日本茶同埋泡芙。鳗鱼盖饭原条上，大大啖食好满足，食落唔算好多骨，鳗鱼汁捞饭一流。我本身好钟意饮面豉汤，而佢系超足料落咗好多紫菜，正！芝士吉列猪扒蛋包饭可以拣配白汁或者咖喱，我哋今次试咖喱，甜甜地唔算太辣，啱我口味吉列猪扒入边有芝士拉丝，好邪恶出边天气落大雨，阴阴冻冻咁，好适合饮返壶水果茶，加配价$40份量都好多最后上埋甜品，芝士奶盖疏乎厘，非常有创意嘅料理，冇幻想过会配芝士粒同埋咸脆片，疏乎厘好香蛋味，有一球云呢拿雪糕。