影片
更多
2022-11-25
23 浏览
Happy Friday梗系要同老公👫一齐relax下! 我哋去咗太子界限街附近嘅一间日式小店, 食下野, 行下金鱼街, 真系一个几写意嘅活动。呢间叫做山系。本舍, 个名几特别, 就连装修, 座位都好有日本风。 店内座位唔太多, 一张Bar枱加八个座位左右, 用咗开放式厨房, 厨师(老板🙎🏻♂️)同食客可以互动交流。由于座位唔多, 所以一定要预约。虽然系老板一个做埋厨师, 但系上菜都算快, 每食完一款菜就会接住上另一款, 时间预得啱啱好! 每次食完之后, 要自己将食完嘅碗碟🥢🍶放返上枱上,等收起就可以。夜晚食饭, 好似居酒屋嘅形式, 以佐酒小食, 烧物串烧, 炸物为主, 仲有日式饭团大阪烧等选择! 手工樱花虾酱拌冻豆腐 - $48老板极力推荐嘅冷盘, 日本直送嘅冻豆腐, 再加上自家制嘅樱花虾🦐酱。 冻豆腐本身就比较清淡, 而且口感非常之嫩滑, 樱花虾酱有少咸鲜味, 似xo酱, 但唔会辣, 仲有大葱, 沙律菜🥗配埋少少酱油 一齐食, 真系回味无穷! 😋和风高汤煮日本沙白蚬 - $68汤用咗昆布同鲣鱼淆成嘅高汤煮沙白蚬, 沙白蚬生鲜肥美, 而且冇沙, 个汤够晒清甜, 仲有少少大葱嘅味道
呢间叫做山系。本舍, 个名几特别, 就连装修, 座位都好有日本风。 店内座位唔太多, 一张Bar枱加八个座位左右, 用咗开放式厨房, 厨师(老板🙎🏻♂️)同食客可以互动交流。由于座位唔多, 所以一定要预约。虽然系老板一个做埋厨师, 但系上菜都算快, 每食完一款菜就会接住上另一款, 时间预得啱啱好! 每次食完之后, 要自己将食完嘅碗碟🥢🍶放返上枱上,等收起就可以。
夜晚食饭, 好似居酒屋嘅形式, 以佐酒小食, 烧物串烧, 炸物为主, 仲有日式饭团大阪烧等选择!
手工樱花虾酱拌冻豆腐 - $48
老板极力推荐嘅冷盘, 日本直送嘅冻豆腐, 再加上自家制嘅樱花虾🦐酱。 冻豆腐本身就比较清淡, 而且口感非常之嫩滑, 樱花虾酱有少咸鲜味, 似xo酱, 但唔会辣, 仲有大葱, 沙律菜🥗配埋少少酱油 一齐食, 真系回味无穷! 😋
和风高汤煮日本沙白蚬 - $68
汤用咗昆布同鲣鱼淆成嘅高汤煮沙白蚬, 沙白蚬生鲜肥美, 而且冇沙, 个汤够晒清甜, 仲有少少大葱嘅味道, 超级有日本风味! 😋👍🏻👍🏻
关东煮牛肋条 - $98
牛肋条煮得非常之淋入味, 入口即溶, 萝卜同个汤都好清甜, 但系一啲都唔会抢哂啲牛肋条嘅味道。
烧鸡心串, 鸡肝串, 烧鸡串 - $16/串
烧五花腩烧 - $28
3串串烧都烧得好香口, 再加埋少少调味粉, 佐酒🍺一流! 两大片嘅烧五花腩🥓, 烧得劲香口, 外脆内软, 一啲都唔会觉得油腻!
烧鲽鱼柳 - $78
烧碟鱼柳🐟厨师已经起哂骨炸成几件鱼柳, 而且非常新鲜热辣, 鱼柳唔会好干, $78真系好抵食。如果唔怕, 其实仲可以食埋个鱼骨, 因为都已经炸到脆卜卜。
静岗抹茶汽水 - $26
富士山柚子梳打 - $22
抹茶🍵汽水唔太甜, 少少抹茶味, 几好饮。 我就比较钟意柚子🍊梳打, 柚子味清甜, 估唔到咁好饮!
厨师每样食物都用心制作♥ 呢啲小店真系要支持下!💪🏻 我好期待佢再有新食物推出!🥰
铺名: 山系。本舍
地址: 太子界限街23号地下A1号舖
张贴
