屋子 (已結業)

屋子一直都系我喺将军澳餐厅bucket list之中嘅头几名。原因系餐厅食物质素高、环境舒适、价钱适中，亦系同朋友倾偈💬嘅好地方。呢度有多款唔同嘅日式set餐，有拉面、冷乌龙面、意粉、定食等等，选择非常多，仲要有埋汤、前菜、甜品，连加一都系100蚊左右，性价比非常高。每次嚟屋子我都好钟意食佢嘅冷乌龙面，因为味道酸酸甜甜咁，真系好开胃，同够晒透心凉，今次仲有埋海老天妇罗，完全系我杯茶。讲起茶，呢度嘅饮品味道都相当唔错，好有自己嘅特色，每次嚟我都会点西柚冰茶，因为入边全部都系西柚，甜甜冻冻咁，饮落好舒服😌今次我同朋友仲叫咗2款小食同埋甜品，而烤起司章鱼串同埋焙茶麻糬舒芙蕾相当有惊喜！个章鱼串烟烟韧韧，捞埋啲芝士，好好味；至于个舒芙蕾亦整得非常有心思，空气感十足，入面充满浓浓嘅焙茶同埋烟韧嘅麻糬，连埋焙茶雪糕食，一冻一热咁，简直系多重口感嘅享受。