錫池 (已結業)

肥肥白白嘅XO仔一向心得长辈们爱戴，有好野食都会预埋细佬一份。嘻嘻，适逢赌王uncle相熟嘅日本餐厅「锡池」搞咗个试酒会，佢第一时间就订咗间贵宾房，大宴好友欢聚畅饮。餐店位置都几隐蔽吓，其门面简朴低调，但充满著浓厚嘅禅味，最有特色就系𠮶个开门机关设计，小肥喺度就先卖个关子，等大家亲访时可以动一动脑筋。用餐大堂一眼睇哂，由于小弟都系第一次到临，所以都唔系好清楚平时嘅摆位，眼见堂内只有一张长长嘅餐桌，相信布置应该系为配合当晚嘅试酒会而设。私人派对于厢房内进行，墙上有幅都几抽象嘅画品，睇黎店主都几潮㖞。画下嘅一角早已摆好个酒杯阵，酒会未正式开始时大家先饮自来威士忌，真够激。Uncle真系劲有XO仔心架，深知细姪少饮红、白酒，仲一早预备咗樽名牌香槟「Dom Dom」俾细佬一人独享，系唔系羡煞旁人呢？！席上有齐自用及公用之餐具。亦有一份关于晚餐配备嘅酒品及美国酒厂嘅资料。试酒晚宴嘅菜单早已订下。为怕宾客唔够饱，主人家仲专登额外加咗几款送酒小食及两道鱼生，当真盛设得很！怀石料理前菜：代表酒庄嘅人解说完毕后，晚餐即由前菜拼盘打头阵，建议食用次序由左边起开始，顺序亦即鲜黄有弹性嘅银杏、卜卜脆又惹味嘅准