鳥居居酒屋

营业中

休息中

銅鑼灣平日咁多人，好彩都不乏樓上餐廳等我同朋友可以享受片刻嘅寧靜。今日就去咗呢間居酒屋食午餐。我哋一人叫咗一個set，分別係親子丼定食同溫泉蛋燒鳥定食。定食非常豐富，有主食、前菜、茶碗蒸、麵豉湯，麵豉湯仲有蜆肉，非常之有心機。而前菜就有泡菜同埋秋葵。首先嚟嘅有親子丼，比起平日見到的親子丼特別，雞蛋有少少半熟，而雞就連埋雞皮，仲有啲冬菇同紫菜，飯嘅份量都足夠，非常抵食。跟住嚟嘅就係溫泉蛋燒鳥定食，溫泉蛋飯配三款不同串燒，分別係大蔥雞肉串、冬菇、同雞翼。溫泉蛋飯加咗芝麻、蔥花，配合溫泉蛋，就咁撈嚟食已經好好味。串燒就燒到啱啱好，有少少炭燒味得嚟又保持到肉汁，冬菇都唔會太乾，仲好juicy。