丼丼亭 (已結業)

黄埔而家开左地铁站真系方便得多，荃湾收工过黎都系半个钟，平时都系Aeon附近食开饭，今晚同朋友行左一少段路黎依间日本料理店食晚饭，估唔到几有惊喜啵依度都系食丼饭为主，所以除左多人枱之外，都设有吧枱供一人座，装修感觉都有空间感，坐得都几舒适我地无叫到丼饭，叫左其他唔同既野食可以一齐share食<<五式刺身盛>>总共有五款刺身，每款都好新鲜，口感肥美，带子配埋青瓜片一齐食个鲜甜味道提升左，三文鱼籽放系紫菜卷住食，无需沾酱油都已经鲜味十足<<苦瓜豚肉釜饭>>店员介绍话苦瓜系来自关西，日本空运到港，苦瓜味道苦中带甘，食落唔会太苦，饭入面加左秘制酱汁，味道微甜又有少少饭焦香，饭焦入口脆卜卜，好好味<<松叶蟹梅子海鲜锅>>卖相相当有霸气，松叶蟹大大只，鲜甜得黎又啖啖肉，沾左柚子胡椒酱同特制醋汁，食落带少少尖椒既辣味，入面仲有青口、鱿鱼、娃娃菜，汤底配料爽口鲜甜，味道清清地又唔会太淡<<炸海鳗天妇罗>>海鳗炸得好酥脆可口，粉好薄一点都唔厚，萝卜蓉加入酱汁沾住食，隔左重热气感