影片
更多
2016-11-23
705 浏览
感觉上大角咀系旧区，食肆应该系老店居多。带住个嘴丢既小朋友，想揾个地方坐得舒服d, 又要岩佢胃口， 朋友提议去佢一路都好想试既Press Enter. 就甘听个名其实唔知食乜，原来系一间有得食咸甜品既cafe. 大门同埋店内装修都以简单为主， 有唔少小摆设，感觉上好舒服。跟餐既蕃茄汤系用新鲜蕃茄煲既蕃茄汤，望落汤既颜色好清，味道亦好清甜，一d 都唔咸，饮落有一粒粒切碎既蕃茄，绝对唔系颜色味道都好假既罐头蕃茄汤。 呢个质素既餐汤系买少见少，好有诚意烟三文鱼窝夫pizza甜既窝夫成日食，今次试咸版窝夫。材料好足，铺满成个窝夫。除左有烟三文鱼外，有红青椒，芝士， 简简单单，唔会抢走烟三文鱼既味道。最重要系新鲜做起，加上芝士够多先会做到拉丝既效果。有红青椒中和下有点juicy又唔会太"漏". 窝夫底够厚，但边同外面脆，内软，食完好饱好满足！手工芝心酿菠菜鱼卷朋友想试既手工卷饼终于比佢恨到。 原来系将芝士，鱼块，菠菜叠起，再卷成圆条，切成块状而成。 最外面既芝士烧香，鱼块好滑唔干。 我最欣赏个汁系好香芝士同奶油味，仲有好多蟹子。 个汁比我点晒黎食！热玫瑰Latte外貌吸引，好香玫瑰味，唔使
就甘听个名其实唔知食乜，原来系一间有得食咸甜品既cafe. 大门同埋店内装修都以简单为主， 有唔少小摆设，感觉上好舒服。
跟餐既蕃茄汤系用新鲜蕃茄煲既蕃茄汤，望落汤既颜色好清，味道亦好清甜，一d 都唔咸，饮落有一粒粒切碎既蕃茄，绝对唔系颜色味道都好假既罐头蕃茄汤。 呢个质素既餐汤系买少见少，好有诚意
烟三文鱼窝夫pizza甜既窝夫成日食，今次试咸版窝夫。材料好足，铺满成个窝夫。除左有烟三文鱼外，有红青椒，芝士， 简简单单，唔会抢走烟三文鱼既味道。
最重要系新鲜做起，加上芝士够多先会做到拉丝既效果。有红青椒中和下有点juicy又唔会太"漏". 窝夫底够厚，但边同外面脆，内软，食完好饱好满足！
手工芝心酿菠菜鱼卷朋友想试既手工卷饼终于比佢恨到。 原来系将芝士，鱼块，菠菜叠起，再卷成圆条，切成块状而成。 最外面既芝士烧香，鱼块好滑唔干。
我最欣赏个汁系好香芝士同奶油味，仲有好多蟹子。 个汁比我点晒黎食！
热玫瑰Latte外貌吸引，好香玫瑰味，唔使再落任何糖，糖度本身已经调较得岩岩好
朋友既青柠梳打。够酸，唔会太甜，好refreshing. 最想讲系支铁既饮管。 下面又系铲既造形可以笃柠檬，好想据为己有
最后果位咀丢既小朋友叫左个朱古力蛋糕加云呢拿雪糕。 朱古力蛋糕上铺满朱古力浆，简直系double chocolate, 而且个蛋糕好软绵绵，岩晒小朋友食。
不过最得小朋友欢心既系云呢拿雪糕！好香好重云呢拿味！望真d原来个雪糕有云呢拿籽，甘足料难怪小朋友食到lam lam 脷， 原本系度搞搞震都立即安静晒，只系好烦甘不停讲"好好味wor! "
最后饮埋杯香蕉乳酪特饮， 开头都惊会偏酸小朋友唔肯饮，但原来呢杯野饮味道系偏似牛奶，又唔会好甜，错有错著，成杯饮晒！特饮加送用面头烧成焦糖既香蕉，食完满足晒！坐得舒服，无时间限制，最后带住个无耐性既小朋友都可以坐足2个钟先走， 好开心既一次mama gathering
张贴
