品香樓中西風味餐廳

营业中

休息中

唔知有几多年无去过南山邨了，更加有好耐无帮衬过品香楼，所以前排睇完舞台剧，去开九龙塘就好想再返去食品香楼啦。原来呢家品香楼要系门口嗌位(真系太耐无去啦，变左都唔知)，不过原来品香楼可以订位，或者好似我地咁，肯搭枱好快有位。佢呢家会比一碟前菜我地，我地就系卤水鸡脚，我有见到花生，好似都有见到菠萝。卤水鸡脚好入味，轮下轮下几正，当然要你本身都钟意食鸡脚先ok。场内好多人叫小菜同煲，好大碟，不过我地就拣左碟头饭，拣左一个明太子炒饭同椒盐骨饭，我地再叫左再杯饮品，我拣左菠萝冰走甜，我朋友拣左红豆冰，可能因为我走甜的关系，所以必须要笃下啲菠萝，令到菠萝的果甜散发出来先会比较好饮。而主菜方面，明太子炒饭真系好令人惊喜，一来出面真系好少有呢一味炒饭，二来佢火喉够，所以真系好好味，而且材料好足，所以啖啖都食到鱼子，好正。至于椒盐骨饭都几好食，一样好够火喉，不过对比明太子炒饭，我都系钟意炒饭多啲。估唔到咁耐无嚟，品香楼仍然都系保持咁好食。