小時光 (已結業)

呢间餐厅卖点嘅系旧式台湾学校既感觉，第一下入去：哇返校wo..🙈成个装修都系"好怀旧", 用上学校嘅木枱木凳，用漫画架去做间墙，有少少展物可以观赏同售卖，其实感觉都几新鲜，不过可能间铺嘅旧物太多啦，同埋用上啲旧木枱木凳，所以发现其实好多书蚤出现，而且楼底唔算高，其实有少少压迫咁喺度嘅。但系我哋去𠮶日就唔系太多人，同其他顾客都有一定嘅距离，所以整体感觉都OK嘅。食物方面主要都系一啲台式嘅食品咁，大约种类都系𠮶啲，盐酥鸡呀卤肉饭啊猪肚等脏类𠮶啲，咁我哋就冇嗌内脏啦，叫咗个醉鸡同埋三杯鸡试下。醉鸡来讲唔似系一般上海铺食𠮶啲好浓烈嘅酒味，鸡嘅话肉质滑度都唔足够，佢系类似鸡髀蒸熟左先再浸酒，所以就唔系好入味啦，变咗肉还肉，酒还酒味咁。另外三杯鸡都唔算系好正宗嘅做法，而且热度唔够，所以以主打台湾食物来讲嘅话佢只系去到啱啱合格嘅质素。饮品方面都冇咩特别话好出众。另外本身想试吓佢甜品，可惜佢当日就全部都秀售罄，咁就冇办法啦。如果以一间叫做享受食物嘅餐厅来讲呢，咁就非常之一般嘅，但如果以一间系朋友聚脚聊天，或者自己休息放空，小工作睇书过几个钟嘅地方呢，都不失为一个选择嘅。