池記

营业中

休息中

大排档可以话系香港人嘅集体回忆。个名原来系有故事的，佢源于二战后香港政府发出嘅固定摊位小贩牌照，比流动小贩牌照大，所以俗称「大牌」。之后大家嗌嗌下，就变左「大排档」了。元朗广场门口呢间大排档就系我嘅童年回忆。每年天气冻时，都会一家人来帮衬。周末傍晚来到，店员啱啱开紧台，我地就去霸个靓位先~ 到6点半左右已经坐满，食客主要系附近街坊，同店员非常熟络。例汤（送）一坐低店员就送一大碗老火汤先，好热好足料，有鸡脚、排骨、冬瓜、萝卜等等，而且冇乜味精。餐牌有多款小菜，仲有煲仔饭、鸡煲同羊腩煲。由于成年冇来了，所以都系嗌几碟小炒回味下先。椒盐白饭鱼炸到色泽金黄，卖相十分吸引。入口有椒盐嘅咸香，而且口感酥脆。蒜香椒盐焗虾上桌有扑鼻香气，虾壳开边，令椒盐、葱同爆炒蒜粒可以混和到虾肉中，系食到吮手指嘅味道。芹菜腰果炒鸡丁芹菜爽口保留纤维感，腰果煸得香脆，但鸡丁就有少少肥。南乳粗斋煲呢个好抵食，份量好多而且非常适合送饭。铁锅上菜，可以长时间keep到温度。有西兰花、白菜、腐竹、冬菇、粉丝、莲藕片、木耳等等，食材好丰富而且入味。梅菜蒸鲩鱼鲩鱼本身好新鲜，加入大量甜梅菜同姜葱去蒸，完全冇草泥味。连本来怕腥嘅我