三河屋 (已結業)

农历新年前最多开仓清货，今次放工来了红磡这边扫货。之后要食野补充返，上开饭见到三河屋风评不错又抵食，梗系要试吓！如果只看门面，我估普通行过都未必会入去食。 一间小小的食店，无论门面还是内部也感觉出是老舖。贴在墙上的menu及装饰也已经泛黄，很有年代感。虽然没有寿司(不过有刺身)，但有其他很多在香港坊间也未必有的选择，例如渍物、关东煮、大阪烧等，这间小店都应有尽有。我同朋友叫咗三文鱼刺身、关东全煮、咖喱吉列猪扒饭同鳗鱼饭。三文鱼刺身以68蚊来说，份量不少，鲜甜肥美。最特别系用咗昆布碎放在三文鱼底，不是一般的萝卜丝和紫苏叶。 昆布食落少少咸咸地，都几得意。关东全煮内有7样食物，分别是鸡蛋、萝卜、狮子狗、芋丝、蒟蒻 (木薯糕)、淮山卷和鲨鱼蛋，碗边放了少少黄芥辣。萝卜入哂味好食；个鲨鱼蛋非常淋，都几特别。其他就正正常常。个汤就觉得普通，甜豉油太重，偏咸，好在无点影响里面食物的味道。咖喱吉列猪扒饭好大份，满满的咖喱覆盖了大半只碟，卖相吸引。味道方面是甜咖喱唔辣。猪扒虽然不算好juicy但都唔算干。成个饭总算唔错。鳗鱼饭d鳗鱼有两大旧，而且都几肥美，头尾烧得脆脆地，如果成条都有呢个效果一定更正。