周記油渣麵 (已結業)

还记得N年前，屋企楼下有流动小贩卖猪油渣面，好有家的味道。已不知有多少年无食过，听讲深水埗周记的出品也不错，今日便专程到来一试。食店颇旧式，相信都做了一段时间，空间颇大，台与台之间距离宽阔，坐得还算舒服。食店并非只卖猪油渣面，实际上是一间乜都有得食的茶餐厅。台上放有葱花，冬菜及辣菜脯给客人自己落, 咁就可以满足喜欢走青的食客。猪油渣面有大碗同细碗，价钱只差$6，难得一试，当然点了大碗。猪油渣份量算多，真的是炸得一点油也没有，不过偏腍，不是脆口那种。面身同样较腍，但唔会一夹就断。汤本身不咸，味道刚好，但我落得太多冬菜，而冬菜又用盐腌著，搅到成碗面咸晒，只怪自己太贪心了。