Forever 友緣西餐 (已結業)

今日同朋友去元朗食饭， 真系要赞下呢间餐厅， 感觉到老板好有心去做好餐饮！坐低已经有一杯 welcome drink， 餐包系蒜蓉多士成只手掌咁大块， 仲系暖同埋脆㗎！ 餐汤系烟肉 忌廉薯蓉汤， 饮到系有薯蓉㗎！唔系啲餐厅就咁面粉开忌廉水啰。我自己叫咗个羊扒七成熟，啲肉系粉红色好嫩 有一d d羊骚味。 配菜炸薯条上面系有香草㗎！ 好好味！最后一定要赞下杯热咖啡! 啲奶上枱嘅时候系暖㗎! 今时今日真系好少好少餐厅咁有心思, 咁用心做好一餐啰！餐厅两边系玻璃窗嚟，我同朋友坐喺玻璃窗旁边倾下计就已经两个半钟， 完全冇人骚扰我哋。 呢个地方好适合同朋友嚟聚一聚倾下计！