N+ BURGER

营业中

休息中

讲到当红新区，非启德莫属，最新就有瞩目既启德体育园开幕。咁有话题，点都要去行个圈。体育园区里面真系唔止场馆咁简单，有大商场，食买玩乜都有。其中呢间汉堡，既有新区加持，同时又带有旧日色彩。讲旧时，并非话佢又残又旧，而系装修里面加入昔日机场的元素，好似一啲旧照咁，打咭味浓。餐厅主打汉堡，用澳洲自家牧场嘅牛，优质饲养，优质出品，既健康又安全，令人食得放心。汉堡除咗烙有自家品牌logo，另一大特色，系有飞机的烙印，象征昔日启德机场的历史，加上餐厅的位置，够晒代表性。日式芥末酱牛前腩汉堡牛前腩既肉质加上爆汁，配上日式芥末酱同埋松软嘅酸种面包，令人眼前一亮。火焰烤鸡汉堡如果想层次感再强烈啲，火焰烤鸡汉堡就岩晒，烤鸡有肉感，菠萝酸甜爆汁，加埋新鲜生菜同蕃茄，口感赢晒。食汉堡点可以唔跟炸嘢，薯条薯皇系基本配置，反而要试炸鸡柳。炸得香口又唔柴口，有惊喜。抱子甘蓝都好特别，迷你椰菜嘅外型，入口微酸，食得开胃。