鴻運茶餐廳

营业中

休息中

新市镇，系香港其中一个引以为傲的城市规划成就。而沙田就系香港一众新市镇的典范。不过，新市镇城市规划的背后，即系一个个的商场＋住宅独立发展项目，要入去揾食，就要将车泊埋入去个停车场。对于我呢一些爱即兴揾嘢食的司机，在新市镇比较冇啖好食。而沙田可以方便停车又多食肆的地方，亦只有火炭、大围及沙田围。今日，就到了大围揾食。其实之前都帮趁过鸿运茶餐厅 ，因为钟意佢个面，今日再来帮趁。星期日的下午，小店内外都坐满人，我点了午餐火腿奄列，外脆内富蛋浆，控制得刚刚好 榨菜肉丝面。劲钟意个面的质地。同样的口感，只在旧旧公司对面间茶记的早餐才有，估唔到在大围可以重遇。个面的质地煮得透，少少腍，索哂个汤，LIKE!个午餐盛惠$26干炒猪排意。盛惠$34，唔包饮品。好多猪排，算OK啦。整体来说，如斯环境，系偏贵的。不过食物品质都算OK，又方便泊车，行过会再来。后话，饮完杯冻奶茶，竟然见杯底内有两粒柠檬核同侍应亚姐反映，佢收咗个杯就算，道歉都冇。不过埋单时就收少杯冻饮钱，就算数啦。可能真系如佢所讲，切柠檬时有核趺落冰......