同撈同煲

营业中

休息中

今日咁啱经过九龙城，天气又转凉，不如揾下有咩火锅食，最后决定试下呢间充满古式文化、7,80年代嘅旧式茶餐厅。今日可能系平日，不用等位就可入座，7,80年代除左从播嘅歌可以感受到，里面嘅装修亦能睇得出。火锅汤底嘅重要性，相信中意打边炉嘅人绝对明白。一轮选择下，拣左冬甫美人锅，店员话要先饮汤再食野。汤底因为有鸡嘅缘故，加上冬瓜、虫草花、红枣等嘅缘故，饮落好清甜，鸡味好足，值得一试。打边炉点可以冇牛呢，最后拣左安格斯牛小排。牛味虽不算重，但入口即溶，肥瘦适中，like，真系好食过任食肥牛好多！韭菜饺，唔算系好大只，不过皮嘅厚度啱啱好，最重要系个馅，韭菜味好突出，对于韭菜控来讲，不能错过。老友鬼鬼，佢系新鲜炸起，油炸鬼配上墨鱼滑，弹牙可口，加上酱料，配搭更佳。店员建议亦可放入汤裹，尝试另一种口感。个人觉得即炸即食为佳。田园拼盘，都属于正常，为整个火锅平衡一下。不过佢入面竟然有大豆芽，有点意外，食落好爽口。红薯粉，唔算十分特别，正常味道，不过份量好足，食完一定觉得好饱。最后店员话like facebook可以半价鱼状糖不甩，不可不试。出乎意料原来先将鱼放入汤，再剪开同糖、花生配合，味道食落好特别