桂花小幸 (將軍澳廣場)

营业中

休息中

同朋友去西贡行完出返黎将军澳，夜晚无堂食就唯有早啲食晚餐啦，我地去左桂花小幸食台式晚餐。下午茶有拉丝芝士火腿蛋饼配地瓜薯条。蛋饼入面有芝士同火腿，芝士味最出，跟住有蛋味，外皮香口，口感丰富。地瓜薯条新鲜炸起，够热够清甜。盐酥鸡排鸡肉饭个饭伴有卤水汁，食落变左唔会好干，鸡肉份量唔少。鸡排外皮都脆口，好邪恶。三盛红烧牛肉面有腱心牛肉、牛腩、牛丸，牛丸最好食，大大粒。台湾面弹牙爽滑，好食。盐酥花枝丸(3粒) 好香口，肉质弹牙，够惹味。我饮仙气火龙果茶，少糖少冰，可惜唔可以无糖，茶味多过火龙果味。朋友要白桃乌龙茶，无糖少冰，即使无糖都饮得出桃味。