利星火鍋海鮮小炒

营业中

休息中

提早庆祝父亲节，屋企人拣咗呢间食饭。好耐之前已经食过呢一间，已经唔记得咗呢间有咩好食。大部份嘅𩠌都系屋企人叫。估唔到佢第一道𩠌就上咗肉丝炒面先，已经俾佢打爆咗半个肚。个茨汁就打多咗少少，但个面炸得几干身，虽然碟底都有好多油，好彩个面炸得够挺身啲油系滴落碟底，如果唔系个面嘅底部就成口油。冇特别留意到原来屋企人拣咗两个骨，觉得加咗榄角酱𠮶个系好食啲。个酥炸生蚝做得几好，好怕呢啲脆浆粉好厚，但呢度个浆份做得几薄，只口仲好Juice。个焗鱼肠就逊色咗少少，因为近排都有食过其他，有比较有伤害。另外个鲍鱼花螺鸡煲，你嘅时候用个Gas炉热住上，𠮶阵味都好正。鲍鱼都好弹呀，食落似纽西兰个款嘅鲍鱼。花落熟咗啲鸡煲汁超正，个鸡都够嫩滑。跟住个招牌炒饭就嚟，佢可能遇过石锅有温度，个饭炒得比较湿，因为份量比较多，不完几碗之后铺开啲饭再热一热佢，干身咗仲好食。本来想加啲鸡煲汁捞饭，但上台后鸡煲好快已经熄火，见到一层汁一层油就却步咗。个牛柳粒就基本，唔算有惊喜。跟住食到九成饱最早点𠮶半只烧鹅先至到，店家话即烧，刚斩完上碟摊一摊再食，鹅肉系嫩滑嘅，但个鹅肉味唔系好出。整体成餐饭表现都系中上，但系卫生就要多加留意。