知己咖啡站 (已結業)

未到公司前, 先行系湾仔头帮公司买少少野. 恰好又是找新地方买早餐既时候了. 附近开得早的, 不计酒楼老麦, 就是一家茶餐厅同熙信大厦两间cafe仔.一早系屋企食埋个包仔, 茶餐厅热食粉面肠粉也许太饱. 另一间一入去, 竟然是人海世界. 再行入D, 呢间小小coffee shop, 冇乜人, 来得清静, 不过时间比较紧迫. 没时间慢慢堂食, 只好包走, 拿回公司, 依旧边做事, 边食Breakfast.碎蛋火腿三文治, 比较西式的冻治. 虽是用保鲜纸Pre-pack好, 但回到公司打开来食, 是新鲜的. 因为新鲜食品, 尤其是面包, 是很容易食得出的, 因为雪得耐, 摆得耐, 面包包边是会硬化的, 而且碎蛋的沙律汁, 亦会稍为变色.三文治味道新鲜, 但跟餐既咖啡稍为逊色, 淡淡的Coffee, 水味重过咖啡味. 可能自己饮惯了浓茶浓啡, 一淡口少少, 已经唔系几接受. 中午偶尔经过时, 是人多的. 看了揾食朋友的食评, 水准该是有返咁上下既. 不过, 未必能吸引我回头.