陶源中菜

营业中

休息中

呢日帶住阿仔阿女同長老飲早茶，好彩平日唔洗等好耐。呢度景觀開揚，張張係圓枱，座椅軟熟，坐得好舒服。一開始我哋坐咗咗一個風口位，職員見我哋有小朋友，主動同我哋換過第二張枱，好細心👍🏻鮮蝦紅米脆皮腸呢個脆皮腸粉係必食推介，外層紅米腸粉又薄又滑，中間有層脆皮，最裏面嗰層蝦肉彈牙，成個腸粉咬落去好有層次感，正！蝦餃皮薄煙韌，蝦肉彈牙，隻隻蝦餃大大粒，好好味。鮮蝦腸粉腸粉好滑，啲蝦好大隻，咬落去好有口感。鹹水角外皮夠脆，內層煙韌，饀料略嫌唔夠多，味道大致不錯！皮蛋瘦肉粥個粥好綿，皮蛋同瘦肉絲都足料。黃金糕個糕夠煙韌，鍾意佢味道唔太甜。