名舫酒家

营业中

休息中

第二次帮趁，今次完全唔需要等位，个场都几多人。今日2人叫咗7样点心，埋单200都几贵下，但味道唔错。回到正题，叫咗蟹子烧卖，叉烧肠，虾饺，菜苗饺，牛肉球，鲜竹卷同埋家乡咸薄罉（睇落似煎蛋卷，但甜既）。烧卖，肠粉同牛肉球同出面味道差不多，不过不失。虾饺同菜苗饺块皮太厚，味道稍差，菜苗饺系菠菜馅，冇咩道，不建议试。家乡咸薄罉完全系意料之后，煎蛋卷咁既样，上面洒咗啲白糖，有少少焦，食落系似糯米整成既煎饼，好饱肚。至于服务方面，加水同清吉碟几快手，唔需要人提，值得一赞，环境唔算好大，但唔嘈吵同颇干净，值得一去。