明閣 (鷹君中心)

最近试咗几间酒店嘅点心，见到明阁早茶时段喺12:45前离座仲有75折优惠，所以下订咗位嚟试吓。订咗位之后先见到有啲食评话服务一般，有啲担心，但最后嘅体验都唔错。用餐环境餐厅嘅氛围符合期望，落地玻璃令到成个餐厅好光猛，座位之间嘅距离唔算太窄，用餐都几舒服。服务质素服务员态度都几友善，符合酒店标准，佢哋仲会来问对食物满唔满意，亦会帮手针茶，感觉几贴心。食物ＸＯ酱炒肠粉 XO酱炒得好香，仲再点多次XO酱嚟食，真系好开胃。虾饺、烧卖：真系新鲜好味，推介。如果两个人嚟食，可以要求每笼只要两件点心，啱啱好分。酥炸蜂巢芋角：呢个都推介，虽然睇落炸得几热气，仲等咗一阵先上枱，但食落去好好味，炸得脆唔油腻，似系啱啱炸起咁。黑松露萝卜千丝酥：酥皮几脆口，仲有浓浓嘅黑松露香味，食落去好满足。雪山竹炭叉烧餐包：呢个叉烧包好好味，叉烧好新鲜又Juicy，食得出同一般出面嘅雪山叉烧包质感有啲唔同，值得一试。黑糖姜汁日本3.6牛乳奶冻：推介，奶冻好滑，奶味好香浓。总体嚟讲，食物质素真系几好，值回票价，未试过嘅可以嚟试吓，试完都会摆落推介清单，会再嚟。