豆漿王阿媽

营业中

休息中

新鲜包既粢饭几乎系可遇不可求既野，但系土瓜湾一带就潜伏左三间有粢饭供应既小店，仲要限时供应。一场黎到，点都揾间试试。一行入店，老板娘就热情问想食咩，因为好难得食得，就一次过嗌粢饭同咸豆浆。先黎咸豆浆，有豆香，浮面既油炸鬼半腍半脆。等左阵，途中有几位客人外卖，都等耐左，最后大大旧既粢饭都黎埋，热情既老板娘话，想打卡影相可以叫佢切半🤣糯米颇多，肉松同榨菜都足够，油炸鬼系硬脆果种。同红磡既满堂乐类近，但价格更相宜。想追求靓既环境呢度真系无，但有既系浓浓既人情味，都系现今高度发展既市区买少见少。