茶木‧台式休閒餐廳 (MegaBox) (已結業)

晏昼同老婆去Megabox，睇完戏溜完冰，个肚打晒鼓，就拿拿临拣左茶木食晚饭。以前出名要等位既茶木，分店越开越多，亦开始冇以前咁需要等咁耐位。今次六点未够就黎到，下午茶时段啱啱完结，当然唔驶等位。两个人叫左红烧牛肉面、沙茶牛肉炒手作面、酥炸蚵嗲同一杯珍珠奶茶。首先上枱既系沙茶牛肉炒作面，完全系干炒牛河既概念，味道唔差，只系有啲牛肉炒得有啲韧。Well，喺台湾餐厅都系叫返台式食物吧。红烧牛肉面，牛肉几淋，面质亦几弹牙，不过汤底就始终唔够台湾地道咁浓味喇，原本叫左走葱最后都系冇走到，有啲唔上心㖞。个人最喜爱既炸蚝饼，即系今次叫既酥炸蚵嗲，有啲失望，因为实在太多炸粉太少蚵仔。冻珍珠奶茶叫左少甜走冰，呢次就真系做齐喇。唔够饱，叫多个甜品，红豆抹茶蜜糖砖块，说穿了即系红豆抹茶雪糕厚多士，抹茶雪糕冇乜抹茶味，多士就搽满左蜜糖，加埋红豆一齐食啱啱好。食完饭出黎，已经见到门口出现人龙等位。似乎茶木仲系几受欢迎既。