霸嗎拉麵 (已搬遷) 新店位置

成日见呢间拉面排哂长龙，上个星期终于有机会食啦。最好彩既系我地点去到，坐低左一阵出面已经要排队！炙烧豚肉海苔味玉拉面本身想试辛辣，不过一场黎到应该要试左佢个招牌先！豚骨汤底超级浓厚呀，但饮落口又唔会觉得好味精，猪骨味浓郁，好有满满既骨胶原的感觉。个面我要左适中，始终第一次食，都系稳阵Ｄ好，而当然都无令我失望啦。另外最最最重要系可以走青同走笋，因为呢两样都系我好好好唔钟意既野，今次唔驶逐粒挑返出黎啦。紫菜系我每次食拉面都一定要加既，吸哂Ｄ汤再一啖食左佢，所有精华系哂到。叉烧亦都再重点推介，大大块兼好厚切，而且非常腍。肥瘦适中，岩哂我呢Ｄ重口味人士。烧汁唐扬炸鸡见佢价钱几平，估唔到都有成５大旧。炸鸡热辣辣上台，够哂香脆，但又唔会干争争，点埋烧汁食够哂惹味。绿茶可乐呢个可乐第一次见，平时系日本餐厅都好似唔觉有。其实唔只呢个，佢其他饮品都好吸引架。选择困难症人士几经挣扎先谂好。绿茶味唔算好重，淡淡的，反而可乐味出Ｄ，够哂气味道都唔错的。而且食完个热辣辣拉面，饮支可乐即刻「锯」哂。食到饱饱行返出去，等位的人依旧的多，今日有运行啦。