端記茶樓

营业中

休息中

今日天氣好好梗係要出去行吓，今日就同屋企人去到傳統中式的酒樓嘆番一盅兩件。話明傳統當然所有野都係自助形式，包括搵位、執茶葉、拎茶杯到攞點心！呢度嘅點心款式好多，有懷舊的亦有新穎的！個人喜歡鵪鶉蛋燒賣、炸物、蝦腸、馬拉糕等。每款點心都是師傅即場製作，份量比坊間偏大，而呢度有比較少見的銀針粉、客家茶果等等，必定要帶老人家來懷念一番！而最出名的一定係川龍西洋菜，雖然有其他菜類選擇但每位都是叫西洋菜，可想而知是川龍名物！最特別的就是這裡的甜品仲保留住舊時的茶樓特色，啫喱杯上有把竹籤小遮仔，絕對係童年回憶！茶價每位$4，無加一收費，人均約$50！