羊鞍餐廳

营业中

休息中

我同一般foodie好唔同，其实我好钟意食早餐🌞。我都希望日后同大家多啲分享早餐🍽️！今次呢我朝早就嚟到九龙城，见到一间开业多年嘅羊鞍餐厅，一于试下佢个早餐啦！我已经好多年冇帮衬，里面嘅装修同我印象中嘅都唔同。佢早餐嘅餐牌同一般港式餐厅都系差唔多🇭🇰，都系粉面餐扒餐。我就决定试下佢嘅大男孩早餐🙆，呢个餐包咗薯饼、大啡菇、黄豆、粟米、丹麦多士同芝麻沙律，另外可以再拣两个𩠌。我就拣咗双太阳蛋，同吉列猪扒。比较令我觉得惊艳嘅系个大啡菇🍄，好有香菌味！比起好多餐厅都做得好食。吉列猪扒都外脆内软，好有水准。其他嘢都系正正常常。呢个早餐我绝对会再嚟食！😉