芝味屋

营业中

休息中

第一次真系嬲到写食评。见铺入面坐得舒服，试下佢个早餐，但食到一肚气。店入面只有两枱客，佢地已经系食紧。我坐落就落单，过左五至十分钟左右就有2个人落单叫外卖。到我等左15分钟追佢，佢话整紧外卖，但我落单先都未有，外卖已经整左一半。等左20分钟都未到谂住埋单走，话30秒到。终于都到LA，个雪菜公仔面正常，但个肠仔同蛋㶶到一个点，仲要好油，肠仔切皮都仲食到，蛋真系放唔到入口，又㶶又油。怪唔知得成日都无人食。你话等得耐，你地用心做既都接受，真系差到一个点。仲有，职员态度又系差到一个点，话埋单走先落力跟下，仲要黑口黑面，所以去食唔只食佢D㶶既野，仲要受埋D员工气。