利興餐廳

营业中

休息中

一行二人来到呢间位于元朗教育路，嘅《利兴餐厅》食早餐。我拣咗火腿鲍鱼丝通粉配煎双蛋加牛油方包早餐，饮热奶茶 ($30)。火腿鲍鱼丝通粉味道ok；煎双蛋嘅鸡蛋比较细只，呢两样都ok，不过个牛油方包就扣晒分，首先系方包又冻又硬，然后入面竟然系一大pat味道又咸又甜嘅植物牛油，感觉既难食，又油腻，热奶茶一般茶餐厅货色，普普通通。朋友拣嘅榨菜肉丝米粉餐 ($32)，都有几多榨菜肉丝，味道唔错，可惜米粉比较嚡口。红肠煎蛋都几香口，牛油方包同样系败笔，热咖啡不过不失。其实呢度早餐嘅价钱都几抵，好可惜牛油方包实在令人印象太深刻，拉上补下，充其量衹能算味道普通。