香江茶餐廳 (已結業)

今日约左男友食早餐同返教会，我带左佢去间屋邨怀旧茶餐厅度试下，间餐厅起码有廿几年历史，我好细过时食过一次，今次再去，间餐厅都已经装修过，比起以前，啲灯光猛左好多，枱凳亦都干净左。我叫左个火腿丝通粉，跟餐配煎蛋肠仔方包同咖啡。先黎杯热咖啡，咖啡味好浓烈，好似少奶咁，所以迫住我要落少少砂糖。再黎碗大大碗火腿丝通粉，餐厅都系用滑lu lu旧式通粉，但可能厨房煮耐左，或者屋邨多老人家帮衬，所以啲通粉煮得林左啲，方便老人家进食。碗通粉好大碗，食晒碗粉已经够饱，所以块方包我都比左男友食。肠仔煎得几香又唔会好咸，煎蛋我无特别要求要太阳蛋，所以餐厅比左全熟既煎蛋。三十蚊已经食到好饱👍🏻。