紅雞冰廳

营业中

休息中

九龙城有好多餐厅，今次试下呢间未食过嘅茶记。佢早餐大约40几蚊，喺呢个区嚟讲唔算平，不过质素有交代。姜汁牛肉通粉一上枱碗通粉热到出烟，闻到好香嘅姜味。汤底饮落有好浓嘅肉同姜味，牛肉又冇柴皮，钟意姜味嘅人一定会喜欢。叉烧汤意粉上枱同样都系热辣辣出晒烟，叉烧够淋份量都好足，汤底都有叉烧味，唔系上枱之前先放上去𠮶种。另外佢早餐嘅面包可以免费转做丹麦多士，件多士上枱都系热嘅，又香又脆。餐饮奶茶不过不失，杏霜落足料够浓。整体成个早餐都好满足，有机会再试下佢其他食物。