鳳城酒家 (已結業)

听讲呢间铺头喺蔡澜推荐过噶老店，于是就专登等有一日全家都得闲噶日子，跟住就带住一家大细嚟呢度饮茶，感受下呢度噶饮茶氛围，同埋试下啲好野食啦烧鹅，色泽真系好靓，佢烧噶时间啱啱好，而且肥肉比较少，肉质鲜嫩，而且酱汁非常入味，令人欲罢不能噶烧鹅！灌汤包，竟然一份就只有一个，而且一个仲超级无敌大，一碗汤入面就只有一个大包，个包包得好实，咬开就会见到好多咸，啲汤渗入去个包入面更加好食。叉烧包就中规中矩啦，不过胜在肥猪肉比较少，包皮都比较松软，易入口。其实呢度仲有好多好野食，酥皮炸子鸡，锅贴大明虾都好正，外表非常酥脆，入口软熟，而且味道好香口