三盞燈澳葡餐廳 (已結業)

我通常朝早经开呢头都黎呢间三盏灯。每次早餐必叫系厚多士，沙嗲牛面，奄列或者其他两款（炒蛋，西煎双蛋）都好食。我个人喜好唔好公仔面，所以叫通粉米粉食。讲下个多士，十次九次都好脆，咬落软绵绵，而且仲热热地。我食过咁多次，得一次系淋身。炒蛋奄列定西煎都做得相当滑，感觉似加牛奶炒。其他主食，特别要讲个沙嗲牛面，我通常饮少少汤，好香沙嗲味，但唔会饮完好口干。面底就可以加4蚊转出前一丁。饮品🤔我喜欢饮热杏霜，但并唔系间间餐厅都有。再者唔系个个水吧都冲得咁好。呢间杏霜好浓郁，完全唔水稀稀，摆一阵会结左一层杏霜系面，好好味服务要赞，员工快手，坐冇耐举手落单，好快有人黎。倾几句偈，就有多士到，绝对唔需要等好耐。我发现冇咩特别员工改动，食物质素一直保持到。环境座位寛敞，无需要逼住食饭。地下以食肆标准，算干净。（个人好执著地下清洁，我会受干净程度影响食欲）价钱合理，图有餐牌，我两个人食，其中一个冻饮加2蚊，埋单70。重要的是绝对饱，我比一般女士大食🙈，都觉得够饱。