藍山咖啡專門店 (已結業)

两个几月前同朋友黎过依间野食过几次，D野食都几OK架。咁我就约左个朋友同我一齐再去下佢O地Ｄ餐啦，我叫左个白汤餐肉蛋面，碗面拎到出黎我一睇.....就觉得Ｄ白汤好似沟左水咁......同两个几月前果D好大分别啰。点知！一食落去就咸到阿妈都唔认得，而且Ｄ面又淋㖞....当场食左几啖就冇食到LU= =而我朋友就叫左个鱼汤冬菇虾米米线，谂住会好过我果碗面啦。点知Ｄ鱼汤一Ｄ鲜味都冇，虽然碗米线都算系叫得系清姐，但系唔洗连一Ｄ鲜味都冇啊。同埋同我果碗面一样咸到死.....系短短两个几月间点解D野食可以相差咁远，真系太夸张，希望佢Ｏ地自己检讨下....唔系迟早连一个客人都冇