藍山咖啡專門店 (已結業)

＄68 龍蝦餐 早排見藍山咖啡休業，見他重開改名（加上海鮮坊）。有次行過聽到有個年長女侍應跟門外的客人，說我們的大廚對飲食、海鮮的料理很有心得，心想要找一次去試試。早兩日就去了食啦！叫了三個＄68 （推廣介） 龍蝦餐 （半隻龍蝦 ＋ 雞/豬/牛排 ＋薯菜）一黎搵個阿嬸落單，我已經慢慢講，還要落錯單三個龍蝦餐，兩個跟豬排，一個跟飯，另一個跟意粉，第三個跟牛排薯菜來的是三個龍蝦餐，跟哂三個牛排......我媽不可以食牛肉，叫那位嬸換返佢，佢走去同個肥男人傾（像是老闆）轉頭那肥男人換完黎，語帶不滿說牛肉改豬肉，已經幫你換好了，什麼叫換，明明是你們職員落錯單，OK！沒所謂。牛排：薄切如皮（我不是打邊爐食肥牛呢）口感：軔如像根，嚼到牙都軟都不能吞......龍蝦：龍蝦蚶：肉粗且（鞋），龍蝦身：（梅）殼雖大，但肉小，半只手指尾左右龍蝦頭：沒有膏，不能食的......所以龍蝦本身只食身同蚶......薯菜：沒什麼特別，普通炸薯條Payment：本想用信用卡結帳，那阿嬸說卡機連不了線，咁cash啦......感想：什麼店來的？好幾年沒幫襯了，上次幫襯已經係七年前（初中學生年代）﹣ 服務員、老闆服務態度

一個醒神早餐!!!!!!!!!!!!!!!!!!我同丫媽+細妹去食早餐我地一人叫左一個餐我叫左一個常餐面,好抵食細妹叫左一個蕃茄湯底既面,細妹話好鮮甜既蕃茄味!!丫媽就叫左豬肝湯底,佢都話好正食晒先23-25蚊賣單=.=抵到爛

今天跟朋友踏單車，不知幾累！去了這間餐廳飲個下午茶。其實，之前都去過，老闆沖D茶啡唔錯，咪帶個鐘意咖啡的朋友去。點了個雞肶飯、兩個雪糕格仔餅、一杯栗子咖啡、兩杯凍檸茶、一杯凍齋啡。特別嘢要等無所謂，但係過了20分鐘先到了個雞肶飯、同特別沖的栗子咖啡。問吓個美少女待應，個答案重「新奇」，話佢已經催過，重俾佢老闆鬧，叫我們不如自己去同佢老闆催。。。老老實實，如果下次經過，一定唔會幫襯。我唔係需要五星級服務，但係追追單唔係好難，可況檸茶、齋啡應該唔駛等25分鐘啩！

之前聽媽講呢度d奶茶好好飲,事關佢朋友夜晚經過見到佢地會煲茶, 並唔係用茶包,於是我試完佢地既凍檸茶就愛上了,呢杯凍檸茶比起其他地方茶味更甘香, 而且唔係一味甜~今次由於係星期6, 所以無緣試下午茶,食番常餐,叫左豬扒肉丁白湯烏冬,其實我覺得個白湯甜甜香香咁, 好好味,豬扒亦算煎得香~總括我係覺得d茶類飲品同個白湯好用心做,我係感受得到, 好難得有食肆其實我覺得做食肆無心做不如唔好做,因為顧客唔係無腦, 識得分你有無落心機

以前都幫襯過呢一間餐廳，印象中呢度d 咖啡做得唔錯...不經不覺，原來都已經係4年前了。今日入大埔，原本想到8號餐廳，但睇過menu 實在唔吸引，所以最後選擇Blue Mountain Cafe。差唔多係滿座，好在剛剛有客人check bill我地先有位。 仍舊係無咩裝修...一睇 menu，好多選擇。我要左焗魚煎蛋意粉; 男友要左印度咖哩雞配飯及薄餅。我果個上先，一食之下，都幾好味。至少個汁都幾濃、幾入味。朋友果個印度咖哩就更加好味，好香，食落好好味。我加左$3轉栗子咖啡，好想試下...點知之後個店主同我講栗子可能開左比較耐，d 味走左，唔係好香，問我試杏仁好唔好...然後佢仲拎左支杏仁糖漿比我聞下，話ok佢先沖...杏仁糖漿好香，我即刻話ok。之後，我杯杏仁咖啡好快就沖好，一試之下，真係好香好好味...其實唔係真係有好多杏仁味，但係真係好香，飲完之間仲有一陣杏仁香味。由於唔係真係好「杏仁」，所以就算唔食杏仁0既人都可以一試。飲飲下，個店主再次問我好唔好飲，services 真係唔錯。我最欣賞係佢唔會是但沖，而係坦白話比客人知。雖然好飽，但仍然飲晒杯咖啡。今餐真係好滿意，食物ok、價

琴日5時許...我自己一個去到呢間餐廳食野...諗住食個小炒 星洲炒米 我真係小小都唔想食難食到咁都可以比人食 超級大陣濃味 我超級唔想食...之前好耐第一去都唔係咁屎跟住諗住飲埋杯野就走啦...個杯咁既咖啡..仲衰過普通茶記我唔知佢地咁都可以開餐廳....仲要自稱係專門店 跟住d樓面完全冇理過我..叫左好耐都冇人比杯水我我以後都唔會在去 呢間咁既自稱專門店檢討一下啦 !!!!!!!!!!!!!

入大埔踩單車之後,到這間食晚飯晚間頗為平宜, 常餐價格都是$26-28我點了焗波菜石班飯焗芝士波菜味道頗好 但石班比較淡味 另值得一讚是飲品頗大杯,如果跟多杯清水就仲好記得以前這店最出名是清一色美少女侍應今晚所見,少女依然,不過唔算太美喇同埋比較木獨,呆左少少但$30一餐晚飯都算唔錯,不會要求太多

兩個幾月前同朋友黎過依間野食過幾次，D野食都幾OK架。咁我就約左個朋友同我一齊再去下佢O地Ｄ餐啦，我叫左個白湯餐肉蛋麵，碗麵拎到出黎我一睇.....就覺得Ｄ白湯好似溝左水咁......同兩個幾月前果D好大分別囉。點知！一食落去就咸到阿媽都唔認得，而且Ｄ麵又淋喎....當場食左幾啖就冇食到LU= =而我朋友就叫左個魚湯冬菇蝦米米線，諗住會好過我果碗麵啦。點知Ｄ魚湯一Ｄ鮮味都冇，雖然碗米線都算係叫得係清姐，但係唔洗連一Ｄ鮮味都冇啊。同埋同我果碗麵一樣咸到死.....係短短兩個幾月間點解D野食可以相差咁遠，真係太誇張，希望佢Ｏ地自己檢討下....唔係遲早連一個客人都冇

今日夜晚約左班FRIEND出黎食飯~~有個朋友提議去8號花園果間藍山食喎~~~~之前都聽過好多人話果度O的野飲有水準,O的野食仲唔差添~~~咁大家咪試下囉~~去到我叫左個豬頸肉飯~~~份量岩岩好~~唔多唔少~~~O的豬頸肉唔差!!!!都算OK~~~之後叫左個餐飲~~~~飲左杯奇趣呍呢拿,個WAITRESS話我加唔加薄荷~~~我就加左~~~~真係無揀錯~~~~加左薄荷之後杯野好似飲完之後好精神咁~~~感覺好涼爽~~~~~真係直得再飲~~~~我O的FRIEND 飲左其他野飲都話正~~!!!!!!!真係難得~~~~難得就係佢依度有貓屎咖啡~~~好難得咁珍貴O既咖啡O係大埔都有得飲~~~REALLY GOOD~~~我比10個珍~~~哈哈~~~唔好O既只係地方細左少少O者~~~總括黎講10分我都比9分~~~~加油~~~~希望下次可以KEEP住有咁好O既水準~~~

好彩今日係食完先來寫野~如果唔係實俾下面位朋友呃晒，今日食左個咖哩牛腩飯，d咖哩好有味，牛腩又夠(林)，賣相又ok~加多杯藍山西啡，估唔到响新界會有咁正的咖啡，絕對好過星記。可能各有各口味，我會介紹朋友再去

呢間cafe 係taipo 都幾耐, 見佢細細間咁,無裝修都可以擺咁耐,諗住d野食都ok，會有佢生存嘅道理,點知...............唉............叫左個印度咖哩, 一出黎一ｄ香味都無，　食落口同普通咖哩無太大分別，認真講大家樂個ｄ重好食，既然係普通咖哩點解要叫印度咖哩？？？？？？？十萬個唔明．．．．．第二個唔明點解係無咖哩味？？？？？點解要叫咖哩？？？？？？？佢只不過係一碗黃色嘅漿．．．．ｄ侍應不停係咁傾計，　叫極都唔應．．ｄ　冷氣又唔夠，真係唉．．．．唔知講咩好．ｄ凍檬茶得個幾粒冰，個環境又熱，柸茶又唔凍，想點呀？？？佢可以係ｔａｉｐｏ咁耐都係奇蹟，我下次一定唔會去p.s. 老闆係唔係無味覺定係對人生無要求，咁都學人開ｃａｆｅ，唔怕俾人笑

其實身為大埔人, 成日都黎老實講佢強項根本係咖啡唔好諗住佢其他野會特別好當然唔會太差今晚就食左炸薯條不過藍山同真係超值豆係即磨o既, 用吸虹式沖, 離遠睇到架香, 入口濃, after taste甘甜仲要只係十幾蚊質素至少等於其他咖啡店幾十蚊佢地鋪好細不過都夠膽賣$1x0 kopi lowa所以我都覺得佢地做咖啡幾有誠意以前佢會只請女侍應而家都有D男侍應啦缺點當然係冷氣滴水.....

以為都有幾個good comments, 所以就即本試吓, 點知試過就...唉..............一入到去,就發覺係間店正中央嘅冷氣滴緊水,只好坐離開個冷氣遠啲嘅位。叫左個比其他餐仲貴嘅五十幾蚊扒餐, 比我遲order嘅人都全部食緊等,到唔耐煩,所以忍唔住吹左幾次。等到同行嘅朋友差唔多食完先黎一睇個餐,都算多野。司華力腸+雞翼+牛肉粒串+豬扒+薯條, 但除左薯條之外﹝因此係超市買果種,只係炸過,冇任何調味﹞冇樣野食得。全部都加左double鹽鹹到嘔, 除左難食難食難食難食就冇野可以形容。睇住咁多野係度, 唔食都要比錢,所以勉強食過啲司華力腸同雞翼。唔止啲野難食,侍應態度都唔係好。係客人嘅枱後面不斷掟野, 似係度玩多過做野。一間咁嘅食店, 冇下次唔洗講, 免費都要唸過。P.S, 一出佢舖頭就找最近嘅7- 11買氣水飲,一次過吹哂成支diet coke,因為實在太鹹

四月二十日在上年八月時份第一次來這裏,今次便是第二次,時間也過得快.距離上班時間還有一段時間,慢慢坐下休息,叫個餐肉煎蛋麵,多士,看到有橙汁,當然選它吧餐肉來得一片厚,一片薄,煎得剛好,沒有濃過頭,用來飽肚之用,煎蛋沒有多可以說,沒有煎得變黑,還流著蛋黃已經可以了,不過湯底有點不同,可以轉為魚湯,飲下去略有魚味,但都算淡口,不過來得健康,自己比較蕃茄湯底.多士烘得還算脆口,橙汁當然不是什麼鮮窄,但是總比飲奶茶,檸茶來得健康.看看電視,今次再次也沒有進步,侍應也服務只算一般而已.放下金錢後便上班去

前幾日ＬＵＮＣＨ 去藍山食野,叫左個霸王雞脾飯,點知出到黎好以白烚雞咁，ｄ雞買相超核突,食落口d雞好老,好似煲湯雞咁，我咁大個女都未食過D咁難食 ，個飯買相又差又難食,雖然唔貴,但D水準咁，令我覺得呢間餐廳D出品完全無良心，一味靠便。對於呢間餐廳我只可俾佢一句Ｉ　ＦＥＥＬ　ＳＯ　ＳＯＲＲＹ。我一定唔會再去,更會叫朋友唔好去,中國人民以食為天,點解我地要食D出品無良心的食品呢!!!希望呢間餐廳好好檢討一下,反省反省呢D出品過得到自己良心嗎?