咪咪茶餐廳

营业中

休息中

今日返长周，同同事约好早餐叹返个咪咪，因为太耐无食，好挂住！去咪咪其实都系为咗碗沙嗲牛炒蛋出前一丁，配料都系新鲜嘅，牛肉有沙嗲味，少少靭，但胜在大细均等，薄薄地。一碗双并都有5块牛肉倒，算系咁。炒蛋都够滑，有蛋味。应该放咗2只蛋去整，够大块。通常食出前一丁都要加钱，呢度唔使加，同埋饮冻柠蜜都唔使再加上加。咁样配搭都系29蚊，个人觉得抵咗！讲返个面，睇落去系啱啱熟，食落去就好似腍咗少少！今次叫外卖可能焗多咗几分钟，可能咁样腍咗！而沙嗲汤底呢，啲色就好浓，辣多少少就加分！