紅磡冰室 (已結業)

难得星期日早起, 因为答应左帮老友搬电视。约左8点半系炮台山地铁站等, 出左站老友话请我过对面间红磡冰室医饱个肚先开工, 我又点会拒绝呢。😙呢间红磡冰室系炮台山地铁出口对面马路, 门面同一般茶餐厅唔同, 比较光亮华丽, 内部装修有少少工业风。早餐选择都唔少, 价位正常。早餐改左多士, 多士都几厚身, 外层几脆口。蛋同火腿味道正常。沙爹牛肉面份量都几多, 个沙爹汁颜色偏黑, 唔辣, 不过冇乜花生味。冻奶茶都几香滑, 茶味都够, 不过比较甜, 下次再来我会叫少甜。不需加一, 冻饮加$3。