檳城餐廳 (已結業)

第一次试呢度既早餐，选择都几多，平时早餐食黎食去都系火腿通，今次就试下炒蛋煎猪扒。一路以为系茄汁豆焗薯，一打开咁细既。。。。.原来睇错左，系茄汁焗豆薯蓉先真🤭个炒蛋其实几滑，带d蛋浆，不过蛋味唔够浓。佢好食过民华，但系始终太兴既炒蛋都系我早餐既最爱。薯蓉颜色好橙🤔真系薯蓉黎？？我食出黎感觉系蕃薯，不过都几好食啊加埋茄汁豆。虽然size 唔大，但食食下都饱。本身对早餐d 猪扒无咩期望，通常都系又薄又干憎憎咁。但呢度个猪扒居然系几好食，猪扒食落爽口厚身，边位带小小脂肪，肥瘦适中👍🏻。本身想食香茅猪扒，下次都有信心黎试试。不过原来外卖要加$2, 价钱黎讲对比隔离果几间相对无咁抵食。 而且餐具居然无刀无牙签，呢下扣分。不过味道ok, 有回头既空间。