亞金南洋茶室 (黃大仙中心南館)

营业中

休息中

呢朝同个老友喺商场揾地方食早餐，行来行去发觉好多食店都近乎满座，惟独呢间有d位，有d位重系卡位添，于是就入左去。原来呢间食店都几追得上潮流，要d客用手机scan个QR code落单。好嘅，方便又环保，敝就敝在拣到最尾，个套餐杯饮品竟然要廿几蚊一杯，唔系套餐包埋饮品咩。唔系阿话，即刻叫个侍应嚟问问，佢话唔驶理个价钱，照tick得喇，咁你呢个落单apps真系要改善吓喇呢个皮蛋瘦肉粥d料就一般般喇，最敝就半冷不热，俾人有种唔太新鲜嘅感觉啰。呢个炒米粉又系冻嘅，口感就真系麻麻，而家系食炒米粉㖞，唔系食冷面㖞，起码都叮吓至攞出嚟吖。呢个公仔面就大路货色，不过不失咁喇，d面都煮得爽嘅，肉就一般，唔属于韧嘅。就呢两个早餐而言，该店出品算系麻麻地，亮点欠奉 。