金龍泉 (已結業)

星期六因为要同大女去小学买书买校服，所以就一早出左长发，见又未够钟又有d肚饿，就打算一家五口去揾间茶记个早餐啦。呢间茶记我记得之前系系商场入面嘅，但可能加租所以迫住搬左落去街市，新开嘅所以环境不算太差。我2个大女叫左个腿蛋治餐，其实真系通涨左好多，三文治餐都要27蚊，但我知其实出面好多茶记都已经收呢个价，但小朋友食得唔多又拣食，基本上系焗住要叫比佢地。腿蛋治都系同平时出面嘅一样水准，但奇就奇在佢系咁多份早餐最迟黎嘅....我就叫左个煎蛋榨菜肉丝米粉，30蚊嘅餐，只蛋中间仲系流心嘅，米粉系超力个种比较淋身嘅但起码应该冇漂白？！榨菜肉丝都系罐头啦当然，但就成碗面偏淡，个汤底似滚水。老公叫左个火腿，肠仔，烟肉，茄汁豆，厚多士餐，呢个餐要35蚊，个人黎讲系十分唔抵，但我老公就好中意叫呢d餐，贪佢咩都有咁，每样料都得一件，茄汁豆得好少....所以系贵夹唔饱肚嘅。