金龍泉 (已結業)

見openrice有人介紹呢到嘅下午茶，今日早咗返屋企落嚟試下😛 叉燒真係好高質，但當然如果唔浸落啲湯，分開上會更好😳 茶走味道啱啱好😋 份量唔會話好大，始終係下午茶，但我全日第一餐💁🏻‍♀️ 4點先食嘢$33包飲埋飲品都唔會餓住走，幾抵食👍🏻

我諗食個叉燒賴都打食評，你哋一定與得好搞笑但不得不讚呢個茶餐真係平靚正，嗰粉同熱飲都係$33，我諗好多地方都食唔到！佢啲叉燒一啲都唔馬虎，係呢到好出名！好生意到街市都有同名嘅燒味檔，不過本人與得餐廳好食啲🤗🤗性價比好高讚完叉燒要讚佢杯茶，奶茶看似簡單，但係沖得好味都好有技巧真係唔係到到做到呢嗰茶餐賣$25嗰陣我已經有幫襯，現加雖然加咗$8，但都仲係好平！如果係附近賓墟食嗰下午茶要40以上，呢到最貴都唔過$35!!下午茶時間係1400-1800

係隔離青衣城睇完戲，9點半，發現冇乜餐廳做未收，好多都收10點，次次睇完戲都唔知食乜好。.諗住行過隔離長發睇下譚仔閂門未，點知都係好早閂，睇黎青衣居民都好健康，早睡早起。.入長發街市行左個圈，都多野食，不過for takeaway，見到門口有間茶記，照殺～.嗌左晚市小菜套餐，一份柚子西檸雞，一份蜜椒薯仔牛仔粒，配飯送湯$65，熱飲加$5，凍飲好似加$8。.一上到黎，碟餸比想像中大碟😹西檸雞味道唔錯，檸檬重，第一啖食落係酸啲，啲雞都淋，唔偕。蜜椒薯仔牛仔粒聞落幾香，牛既份量好多！大大碟實食得飽。薯仔冇炸過先，就咁煎炸當然冇咁脆口，但薯仔味好重。牛就嫌佢鹹左啲，最後都食唔哂😖.健康啲，加左碟菜，跟餐$14，散嗌$28。

今日係青衣城睇完電影幻愛真係好複雜同沉重嘅愛情啊...要搵個地方坐低慢慢傾下劇情順便食個下午茶+晚餐近啲試下呢間啦結果都真係幾失望架先上嘅豬扒包都唔錯 麵包鬆軟 豬扒多汁 酸酸甜甜咁係幾開胃但下一道菜就真係唔多食得落炸魚柳薯條首先個賣相已經好唔得炸到燶晒 好多都啡色嘅薯條食落係又乾又硬最難食就係主角 魚柳好重嘅油抑味似乎係唔新鮮 或者用左萬年油炸味道仲差過街邊檔🌚茶餐質素好差劣 非常建議唔好叫油炸食物我會Black List 無心做嘅餐廳..

金龍泉青衣担杆山路6號長發廣場長發街市地下146號舖呢到已經變左好似飯堂咁，當唔想煮飯又唸唔到食咩既時候就一定會入左黎，哈哈同一般既茶餐廳一樣，晚市主要都係做小菜套餐，最多人幫襯，可能愈黎愈涼，最近仲推出埋合時煲仔飯木瓜豬骨湯主菜嚟之前每人嘆番碗靚湯先啦土魷蒸肉餅呢個係我既favorite, 基本上每次晚餐一定會叫，不過提一提大家，呢個係即叫即蒸，通常我一入到去未坐定就會落左單先，須時約15分鐘椒鹽豬扒炸得好香口惹味，同埋都幾大碟，抵食咖哩牛腩炒麵最後嘆埋杯凍奶茶，完滿

由細幫襯到大既茶餐廳，係商場既街市入面，一行入去就會見到正常傳統茶餐廳會有既嘢呢到都有，價錢都算合理啦凍奶茶，五香肉丁麵，腸仔餐肉多士蛋牛治烘底加麥皮 2個人食左$73蚊

早餐叫牛肉米粉變差燒通粉都可以話冇問題仲叫人行返去換佢地冇辦法 錯在食店都可以話返客人11點前先去叫所以整錯 咁點解你地餐廳唔改餐牌變成早餐10:30完 咁咪唔會11點又有人黎食飯又要做早餐囉！餐廳自己問題推落客人身上！可恥！

今晚去左食宵夜餐。叫左個雲吞。等得耐都算。成半個鐘。點知來左碗超難食既雲吞。完全係散晒。皮係發脹皮根本冇包實d肉。就連送上台既阿姐都話散晒。吾明點解明知散晒都仲可以比客食。簡直吾當食客係人如果貴公司真係冇雲吞。可以刪除。但吾可以甘對待食客。臨走時也直接去同其中一個待應反映。不過呢間野係吾會再去。根本就愈做愈差。d員工又冇禮貌

呢間嘢食算唔錯，樓面有一兩個都算親切，但係個收銀令我唔想再去!我嚟買嘢講聲記得走薑蓉，上次講左都照落。佢就H口H面咁叫我自己跟（你唔叫伙記睇單，叫個客自己跟？），我覺得佢態度好有問題，即刻搵佢經理，佢就諸多藉口，又話經理唔係度，又問我搵經理咩事？（仲夠膽問咩事？好明顯啦）我之後再打電話去搵經理，都係個收銀聽，又係猛問我搵經理咩事？又係話經理唔係度。（識驚就唔好咁差態度啦，你服務業㗎!）最後都係搵唔到經理，唯有係度呻吓……

由細幫襯到大嘅茶記，多年來雖搬了兩次鋪，不過水準依然，價錢亦合理。早餐份量十足，多士夠厚，沙嗲牛香濃。下午茶選擇也多，招牌燒味粉麵，上海排骨麵，好食過豬排，值得一試。

在附近上班的我，金龍泉是飯堂之一！無他的，典型茶餐廳！適合一班同事一同午膳，各點所需！金龍泉在午市時間總時繁忙的，但一眾街坊亦很識做！食完就走！所以等候的時間，也不會太長！已經嘗試過不少東西！簡單來說，簡簡單單吃一頓午飯，是不錯的選擇！首先，推介燒味飯！燒味靚，份量亦多，可選配粉、麵、飯！今天點的是常餐，沙嗲牛肉份量足，牛肉亦新鮮！溫馨提示！在店內電話網絡接收較差，若有需要，可連接店內提供的Wifi！

嚟到青衣嘅長發街市，發現原來呢度大裝修左，成個街市靚左好多，冷氣又足，經過呢度是旦食，入左呢間茶餐廳食番個下午茶，見到佢地門口掛著好多立靚靚嘅燒味，於是叫左個义燒米粉(可以揀麵丶米粉丶米線丶通粉，但係如果揀飯就唔係下午茶價錢，要跟返正價比錢單併$49雙併$52)，加埋一杯熱咖啡，盛為$30，因為個人口味問題，我指明要半肥瘦义燒，上枱時全部跟我要求的一模一樣，呢方面真係比起某啲大型快餐連鎖店略勝一籌。

金龍泉，其實是長發邨的童年回憶之一。以往，好像曾經在外面，怎樣也找不到什麼好吃，之後竟然回到長發邨，吃了個宵夜，以往，宵夜時段，仍然覺得金龍泉人才濟濟，很多人在看足球聊天。現在，金龍泉竟然坐落在長發邨的街市裏面。順道一提，長發邨的街市裝修之後竟然變了「青衣市場」，明明只是青衣其中一個公屋邨的街市，有甚麼可以代表整個青衣😡？不知為什麼這個領展街市，竟然收不到電話訊號。而在長發邨這個地區人士比較多的地方，想不到，星期三的晚上，店內的工作人員也不會將電視台扭去看賽馬，而是在看新聞。領展街市真糟糕，居然收不到電話訊號，wifi也極之弱。值得一彈的是，晚餐小菜客飯，理應包括飲品，餐廳現在卻不送飲料，只有例湯，猶如魔鬼在細節，一不留神便發現被搵笨。其實我覺得這個西檸雞味道真的不錯，外皮不會太過厚，也沒有脫落。內裏的雞肉仍然非常之嫩滑，雖然不能說是雞味濃郁或是非常之多肉汁，但是配合西檸雞的汁，味道其實比起坊間很多餐廳好得多。還有不少菠蘿在底下，一個人如果吃這客飯應該會非常之飽、非常之滿足。咸魚肉碎豆腐，豆腐也微酸，難道夏日外出吃豆腐😑都有這個問題？下次請避免點豆腐了。肉碎挺香，即食夠鑊氣，咸魚較少，

一場黎到青衣原來個food court執左圍晒板 唔知點呢?係街市入面竟然鋪中有鋪入左去金龍泉食啦！我見11點半都仲有人可以落單!比大檸樂集團11點好呢煙肉蘑菇奄列....3樣食材都少得可憐味道正常塊多士唔脆唔熱米粉係好曲既~~~~~唔似一般米粉口感幾特別榨菜算多~但唔夠辣~~~~~~飲熱檸水唔記得影相但唔苦澀新鮮靚檸檬總結:正正常常無咩不妥但奄列既份量真係好好好好少加2蚊既話唔抵食男士應該可以食2份

早於商場營業的時候，已經經常光顧，最愛燒味飯，同埋一班外表串串貢但其實好有禮貌的侍應。領展高壓之下，焗住在商場低層開，開張第一日光顧感覺真的像進了黑洞，電話完全收唔到網絡。可是老闆反應很快，已經開放wifi.現在已暢通無阻！按慣例點了叉燒燒鴨飯（$49）叉燒略嫌偏乾，但外皮脆口肉質嫰滑。燒鵝啖啖肉外皮稍（林）。通常我會另叫燒味汁配飯，甜甜的燒味汁，正。套餐加凍飲（$3）作為茶餐廳世家，覺得茶色不夠清澈，一按檸檬後更顯混濁，茶味一般。整體來說，食物質素不錯。加油！