富都餐廳

营业中

休息中

是日放假就到左屋企附近的富都餐厅食个早餐，平日时段都好多人，基本上满座，不过未使等位同撘枱。坐低后店员送上热水，睇下餐牌食咩先。叫左份醒神早餐，咁多野加埋都系$37，都抵食呀。先食碟沙嗲牛肉公仔面，沙嗲牛调味不错，牛肉不韧，公仔面煮得啱啱好，仲弹牙㗎唔系淋晒个啲。另外就拣左午餐肉同炒滑蛋，蛋几嫩吖又唔太油，午餐肉正常啰，仲有个是日餐包系牛油多士，个人觉得牛油可以再多啲，不过而加啲人偏向钟意健康少油嘛。热奶茶好正，茶香奶滑，仲要超热，饮完个灵魂返黎啦～哈哈。三十几蚊仲想点？好过自己又煮又洗啦～